ლაშა ფარულავა - ირაკლი კობახიძემ ანგარიში კრემლს უნდა ჩააბაროს - ტერორი, შანტაჟი, სახლებში შევარდნები, ოფისების დარბევა, კობახიძის პრემიერობას უკავშირდება

ირაკლი კობახიძემ ანგარიში, ალბათ, კრემლს უნდა ჩააბაროს, ვინაიდან თავად არის იმ პოლიტიკისა და დღის წესრიგის შემოქმედი, რომელმაც რუსული კანონი მოიტანა, - ასე ეხმაურება ირაკლი კობახიძის მიერ პარლამენტში წლიურ ანგარიშის წარდგენას “ერთიანი ნაციონალური მოძრაობის“ პოლიტსაბჭოს წევრი ლაშა ფარულავა.

ფარულავას თქმით, ღია ტერორი, შანტაჟი, ფიზიკური ანგარიშსწორებები, სახლებში შევარდნები, მთავარი ოპოზიციური პარტიის ოფისის დარბევა, შტურმი, ეკონომიკური კოლაფსი, საერთაშორისო სანქციები ირაკლი კობახიძის პრემიერობას უკავშირდება და მისი შემოქმედებაა.

“ამას, როგორც დამოკლეს მახვილი, გრძნობს საქართველოს კეთილსინდისიერი მოქალაქე. კობახიძეს ქართველი ხალხისთვის სათქმელი არაფერი აქვს და თუ ვინმესთვის აქვს რამე სათქმელი, ეს არის კრემლი“, - განაცხადა ლაშა ფარულავამ.

ფარულავას აზრით, რუსული კანონი უკვე მოქმედებაშია და რუსული მთავრობა კრემლის ინსტრუქციების შესასრულებლად ყველაფერს აკეთებს.

მისივე თქმით, ერთადერთი გამოსავალი არჩევნებზე რუსული მთავრობის დასრულებაა, რასაც ყველა იმ კანონის გაუქმება მოჰყვება, რომელიც კრემლს უკავშირდება.

“შტურმი დემოკრატიულ ძალებზე, ოფისის დარბევა, ჩასაფრებები სადარბაზოებთან, ფიზიკური ანგარიშსწორება, სწორედ ეს არის რუსული კანონი. ამას არანაირი სამართლებრივი დედლაინი არ სჭირდება, არც ხელმოწერა პაპუაშვილის მხრიდან. ივანიშვილმა ეს ნაბიჯი გადადგა, ქვეყანა ამ ბრძოლის სპირალში შეიყვანა და ერთადერთი გამოსავალი არჩევნებზე რუსული მთავრობის დასრულებაა.

ამას ქართველი ხალხი გააკეთებს - ქართველი ხალხი აუცილებლად გაიმარჯვებს და შემდეგ დემოკრატიული ძალები გააუქმებენ ყველა იმ კანონს, რომელიც უკავშირდება რუსეთს და კრემლს“, - განაცხადა ლაშა ფარულავამ.

ცნობისთვის, პრემიერი ირაკლი კობახიძე, ივნისის ბოლოს, პარლამენტს მთავრობის საქმიანობის ანგარიშს წარუდგენს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024