პრემიერის ანგარიში - ნარკოდანაშაულისათვის დაკავებული და სისხლის სამართლის პასუხისგებაში მიცემულია 4406 პირი, მათ შორის 294 ნარკორეალიზატორია - ნარკოტიკებით ვაჭრობა მთავარ გამოწვევად რჩება

დასრულდა დაბა ლაითურში უმაღლესი ევროპული სტანდარტების, 700 მსჯავრდებულზე გათვლილი პენიტენციური დაწესებულების მშენებლობა და ამჟამად მიმდინარეობს მისი ეტაპობრივი დატვირთვა - ამის შესახებ პრემიერ-მინისტრის ყოველწლიურ მოხსენებაშია ნათქვამი, რომელიც პარლამენტს წერილობითი ფორმით უკვე წარედგინა.

ანგარიშის თანახმად, ასევე რუსთავში 150 მსჯავრდებულზე გათვლილი პენიტენციური დაწესებულების მშენებლობა მიმდინარეობს.

„დასრულდა დაბა ლაითურში უმაღლესი ევროპული სტანდარტების, 700 მსჯავრდებულზე გათვლილი პენიტენციური დაწესებულების მშენებლობა და ამჟამად მიმდინარეობს მისი ეტაპობრივი დატვირთვა. ქალაქ რუსთავში ახალი მცირე ზომის (150 მსჯავრდებულზე გათვლილი) პენიტენციური დაწესებულების მშენებლობა მიმდინარეობს. ამ ეტაპზე დასრულებულია შენობების სამშენებლო სამუშაოები და მიმდინარეობს მათი მოპირკეთება.

პენიტენციურ სისტემაში გრძელდება რესოციალიზაცია-რეაბილიტაციის პროგრამების გაძლიერება, მათ შორის, იუსტიციის სამინისტროს საგრანტო პროექტების ფარგლებში („ზიანის შემცირების მიდგომების ინტეგრაციის ხელშეწყობა პენიტენციურ დაწესებულებებსა და პრობაციის პროგრამაში“; „ერუდიციის კურსი“; „ციხის ცხოვრებასთან ადაპტაციის პროგრამა“; „ახალი შემოქმედებითი სივრცეები − ახალი შესაძლებლობები“). საანგარიშო პერიოდში პენიტენციურ დაწესებულებებში სარეაბილიტაციო ღონისძიებებში ჩართული იყო 9 660 ბრალდებული/მსჯავრდებული“,- აღნიშნულია ანგარიშში.

ამასთან, საუბარია ადამიანთა ვაჭრობის (ტრეფიკინგის) ფაქტებზეც. ანგარიშის თანახმად, საანგარიშო პერიოდში, ადამიანთა ვაჭრობის (ტრეფიკინგის) ფაქტებზე სისხლისსამართლებრივ პასუხისგებაში მიეცა 16 პირი.

რაც შეეხება ნარკოდანაშაულის წინააღმდეგ მუშაობას, დოკუმენტის თანახმად, საანგარიშო პერიოდში, ნარკოდანაშაულისათვის დაკავებული და სისხლის სამართლის პასუხისგებაში მიცემულია 4406 პირი, მათ შორის 294 ნარკორეალიზატორია.

„მთავარ პრიორიტეტად და გამოწვევად რჩება ნარკოტიკებით ონლაინვაჭრობა. შინაგან საქმეთა სამინისტროს თანამშრომლები მუდმივ რეჟიმში ახორციელებენ ე.წ. „დარქნეტში“ არსებული ონლაინმაღაზიების იდენტიფიცირებას, ტექნიკურ დამუშავებასა და შემდგომ ოპერატიული და საგამოძიებო ღონისძიებების გატარებას ინტერნეტნარკორეალიზაციაში ჩართული პირების დაკავების მიზნით. შს სამინისტროს ნაყოფიერი მუშაობის შედეგად, საანგარიშო პერიოდში, დაიხურა 10 ინტერნეტნარკოსარეალიზაციო მაღაზია და დაკავებულ იქნა ნარკოტიკებით ონლაინვაჭრობაში ჩართული 31 პირი“, -აღნიშნულია ანგარიშში.

პრემიერის მოხსენება სამთავრობო პროგრამის შესრულების შესახებ მოიცავს 2023 წლის ივნისიდან - 2024 წლის მაისამდე პერიოდს.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი