ხატია დეკანოიძე - მაქვს ინფორმაცია, რომ არსებობენ „ქართული ოცნების“ კონკრეტული წარმომადგენლები, ვისი ოჯახის წევრებსაც უკვე მისდით შეტყობინებები აშშ-ს ვიზების გაუქმების შესახებ

მე მაქვს უკვე ინფორმაცია, რომ არსებობენ „ქართული ოცნების“ კონკრეტული წარმომადგენლები, ვისი ოჯახის წევრებსაც უკვე მისდით შეტყობინებები აშშ-ს ვიზების გაუქმების შესახებ - სანქციები დაეკისრება ასევე, ყველა იმ ადამიანს, ვინც მონაწილეობს ძალადობაში და ვინც აორგანიზებს ძალადობას, - ამის შესახებ "ევროოპტიმისტების" დეპუტატმა, ხატია დეკანოიძემ ჟურნალისტებთან საუბრისას განაცხადა.

მისივე თქმით, მალე გავრცელდება ინფორმაცია იმის შესახებ, თუ ვინ დაასანქცირა ამერიკის შეერთებულმა შტატებმა.

„ძალიან მალე იქნება სანქციები. მე მაქვს უკვე ინფორმაცია, რომ კონკრეტულად არსებობენ "ქართული ოცნების" წარმომადგენლები, ვისი ოჯახის წევრებსაც უკვე მისდით კონკრეტული შეტყობინებები ვიზების გაუქმების შესახებ. ეს ინფორმაცია მალე გავრცელდება. მე, რა თქმა უნდა, კონკრეტულად არაფრის დასახელებას არ ვაპირებ, მაგრამ [ინფორმაცია] ასევე, ძალიან მალე მიუვა "ქართული ოცნებიდან" ყველა იმ ადამიანს ამერიკის შეერთებული შტატების ვიზების გაუქმებაზე, ვისაც [საჭიროდ] ჩათვლის სახელმწიფო დეპარტამენტი. ასევე უნდა ითქვას, რომ სანქციები დაეკისრება ყველა იმ ადამიანს, ვინც მონაწილეობს ძალადობაში და ვინც აორგანიზებს ძალადობას," - აღნიშნა დეკანოიძემ.

ამასთან, ოპოზიციონერმა დეპუტატმა განაცხადა, რომ საკონსტიტუციო სასამართლოს თითოეულ მოსამართლეს ძალიან სერიოზული პასუხისმგებლობა აქვს საქართველოს მოქალაქეების წინაშე.

„თქვენ იცით, რომ "რუსული კანონი" გასაჩივრებულია საკონსტიტუციო სასამართლოში. მე ვფიქრობ, რომ საკონსტიტუციო სასამართლოს მოსამართლეებს აკისრიათ ძალიან დიდი პასუხისმგებლობა. საკონსტიტუციო სასამართლოს მოსამართლეებმა თუ გამოიტანეს ისეთი გადაწყვეტილება, რომელიც რეალურად გულისხმობს "რუსული კანონის" მართლაც საქართველოს კონსტიტუციის შესაბამისობაში მოყვანის მცდელობას "ქართულო ოცნების" მსგავსად, ეს იქნება იგივე გადაწყვეტილება, რაც მიიღო 84-მა დეპუტატმა საქართველოს პარლამენტში. ასე რომ საკონსტიტუციო სასამართლოს თითოეულ მოსამართლეს, ტურავას, აქვს ძალიან სერიოზული პასუხისმგებლობა საქართველოს მოქალაქეების წინაშე," - განაცხადა დეკანოიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი