ნიკა მელია „ქართულ ქარტიაზე“ - პარტია „ახალის“ ხელმოწერა ამ დოკუმენტზე არის, ვინაიდან მიგვაჩნია, რომ ეს დოკუმენტი მომავლის საქართველოს ასახავს
პარტია „ახალის“ ერთ-ერთი ლიდერის, ნიკა მელიას განცხადებით, „ქართული ქარტიის“ საშუალებით პროდასავლური ოპოზიციური პარტიებისთვის და საზოგადოებისთვის საკონსულტაციო ფორმატი შეიქმნა.
როგორც მელიამ ორბელიანების სასახლეში, „ქართულ ქარტიაზე” ხელმოწერის შემდეგ აღნიშნა, „ქართული ქარტიაში“ გაწერილი რეფორმები მომავლის საქართველოს ასახავს.
„მნიშვნელოვანია, რომ საქართველოს პრეზიდენტმა, სალომე ზურაბიშვილმა კონსტიტუციით დაკისრებული როლი ეფექტურად შეასრულა, პატრიოტული ვალი მოიხადა და სათავეში ჩაუდგა იმ პროცესს, რისგან გამომდინარეც ეს დოკუმენტი შედგა. პროდასავლური ოპოზიციური პარტიებისთვის და საზოგადოებისთვის საკონსულტაციო ფორმატი შეიქმნა. აქედან გამომდინარე, რა თქმა უნდა, პარტია „ახალის” ხელმოწერა ამ დოკუმენტზე არის, ვინაიდან მიგვაჩნია, რომ ეს დოკუმენტი მომავლის საქართველოს ასახავს. ამ დოკუმენტის აღსრულების შემდეგ საქართველოში დემოკრატიული წეს-წყობილება იქნება, წარსულს ჩაბარდება პარტიული მმართველობის მიერ სახელმწიფოს ხელში ჩაგდების პრაქტიკა. რა თქმა უნდა, ოლიგარქიული მმართველობა წარსულს ჩაბარდება, სახელმწიფო დასავლური განვითარების გზას დაუბრუნდება”, - განაცხადა მელიამ.
