პაატა მანჯგალაძე - მე დღეს „ქართულ ქარტიას“ ხელი მოვაწერე, რომელიც არის წინაპირობა, რომ ერთი კაცის, ერთი პარტიის რუსული რეჟიმის მმართველობა უნდა დასრულდეს

მე დღეს “ქართულ ქარტიას” ხელი მოვაწერე, რომელიც არის წინაპირობა, რომ ერთი კაცის, ერთი პარტიის რუსული რეჟიმის მმართველობა უნდა დასრულდეს. მე დარწმუნებული ვარ, რომ ეს ასე მოხდება, - ამის შესახებ პარტია “სტრატეგია აღმაშენებლის” დეპუტატმა, პაატა მანჯგალაძემ ორბელიანების სასახლეში, “ქართულ ქარტიაზე” ხელმოწერის შემდეგ განაცხადა.

მისივე თქმით, ქართველმა ხალხმა “ქართულმა ოცნებას” საბოლოო განაჩენი უკვე გამოუტანა.

“მე დღეს “ქართულ ქარტიას” ხელი მოვაწერე, რომელიც არის წინაპირობა, რომ ერთი კაცის, ერთი პარტიის რუსული რეჟიმის მმართველობა უნდა დასრულდეს. მე დარწმუნებული ვარ, რომ ეს ასე მოხდება. არ ყოფილა შემთხვევა, ჩვენ, ქართველებმა შევძელით ერთიანობა და მიზნისთვის ვერ მიგვეღწიოს. არ ყოფილა ისტორიულად, რომ ქართველები ერთად დადგა და ვერ გავიმარჯვეთ. ამიტომ, ამ რწმენით მოვედი, “სტრატეგია აღმაშენებლის” სახელით ხელი მოვაწერე, რომ საქართველო აუცილებლად გაიმარჯვებს. “ქართული ოცნება” დაპირისპირებაშია შესული არა რომელიმე პარტიასთან ან რომელიმე ლიდერთან, “ქართული ოცნება”, იგივე “რუსული კოშმარი” სინამდვილეში დაპირისპირებაშია შევიდა ქართველ ხალხთან. ქართველმა ხალხმა მათ საბოლოო განაჩენი უკვე გამოუტანა. ისინი ამას გრძნობენ და როგორც ჭაობში ჩაფლული ხელის იქნევს და უფრო ეფლობა, ზუსტად ეგრეა ბიძინა ივანიშვილი“, - განაცხადა მანჯგალაძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად