დავით ბერძენიშვილი - საპარლამენტო არჩევნების შემდეგ სალომე ზურაბიშვილი რომ პროდასავლური ოპოზიციის საპრეზიდენტო კანდიდატი იყოს, ეს იდეა მაღალი კონსენსუსის საგანია ძალიან ბევრ პარტიაში

მნიშვნელოვანი დოკუმენტია, ძალიან კარგია, რომ პრეზიდენტმა შეიმუშავა, პოლიტიკურ პარტიებთან მას წინასწარი კონსულტაციებიც ჰქონდა, - ამის შესახებ „რესპუბლიკური პარტიის“ ერთ-ერთმა ლიდერმა დავით ბერძენიშვილმა ორბელიანების სასახლეში, „ქართულ ქარტიაზე” ხელმოწერის შემდეგ განაცხადა.

როგორც ბერძენიშვილი აღნიშნავს, პრეზიდენტი პოლიტიკური და საზოგადოებრივი ძალების კოორდინაციის საკითხში პოზიტიურ როლს თამაშობს.

„ბუნებრივია, საბოლოო ტექსტი მისია. პოლიტიკური პარტიების საქმე იქნება, რომ ამ მიმართულებებთან ერთად ძალიან მნიშვნელოვან თვითმმართველობის რეფორმაზეც აიღონ პასუხისმგებლობა, ეს ნაწილი ქარტიაში არ არის. ერთიანად, საქართველოს დემოკრატიული მოდერნიზაცია, ანუ ევროპული და ევროატლანტიკური არჩევანი ამ დოკუმენტზე ხელმომწერი პარტიების წარმომადგენელთა მხრიდან პარლამენტში იქნება უზრუნველყოფილი. იმედი მაქვს, უმძიმესი 5 თვე, რაც არჩევნებამდე დაგვრჩა, მაინც იქნება იმის წინაპირობა, რომ ხელისუფლება ვერ შეძლებს არჩევნების მოპარვას და არ ექვემდებარება დიდი უპირატესობით გამარჯვებული პროდასავლური, დემოკრატიული რეფორმატორული ოპოზიციისთვის ამ გამარჯვების წართმევას, მე ძალიან იმედიანად ვარ და პრეზიდენტი ძალიან პოზიტიურ როლს თამაშობს ამ პოლიტიკური და საზოგადოებრივი ძალების კოორდინაციის საკითხში“, - განაცხადა ბერძენიშვილმა.

ამასთან, მისივე თქმით, ოპოზიციური პარტიების წარმომადგენლებზე განხორციელებული თავდასხმები „აგონიაში მყოფი სუსტი ხელისუფლების პრობლემაა“.

„ახლა ჩამოვედი გურიიდან, ჩემს შვილს, მის მეგობარსაც, რაკი მეც მასთან ერთად ვიყავი, ორი დღის განმავლობაში გვიდარაჯებდნენ. არ ვერჩი იმ „ტიტიუშკას“, რომელიც უკრაინისთვის იბრძვის, მაგრამ „დიტუშკები“, როგორც ახალი ვერსია შემოგვთავაზეს - ქართველი „დიტუშკების“ ეს ქმედებები რა თქმა უნდა, აგონიაში მყოფი სუსტი ხელისუფლების პრობლემაა. ეს მხოლოდ ამ ხელისუფლებას არ ჭირდა, სასაცილოა, რომ ასიათასობით გულანთებულ, ძლიერ, ერთ მილიონ ამომრჩეველს გაუმკლავდე“, - აცხადებს ბერძენიშვილი.

გარდა ამისა, ბერძენიშვილის თქმით, ძალიან ბევრ პოლიტიკურ პარტიაში არის კონსენსუსი იმაზე, რომ პროდასავლური ოპოზიციის საპრეზიდენტო კანდიდატი საპარლამენტო არჩევნების შემდეგ სალომე ზურაბიშვილი იყო.

"საპარლამენტო არჩევნების შემდეგ სალომე ზურაბიშვილი რომ პროდასავლური ოპოზიციის საპრეზიდენტო კანდიდატი იყოს, ეს იდეა პრაქტიკულად არის ძალიან მაღალი კონსენსუსის საგანი, ძალიან ბევრ პოლიტიკურ პარტიაში. “რესპუბლიკელები” ამის ინიციატორებში ვართ”, - აღნიშნა ბერძენიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი