ირაკლი კობახიძე - სპორტი უფრო ჯანმრთელ ახალგაზრდობას ნიშნავს და ყველაფერი გაკეთდება, რომ მომავალშიც სპორტის განვითარებაზე ვიზრუნოთ

სპორტის განვითარება ჩვენთვის განსაკუთრებულად მნიშვნელოვანია, ყოველდღიურად ვითარდება ჩვენი სპორტი, გვაქვს განსაკუთრებული მიღწევები, - ამის შესახებ საქართველოს პრემიერ-მინისტრმა, ირაკლი კობახიძემ მარნეულში ახალი საფეხბურთო სტადიონის გახსნის ღონისძიებაზე სიტყვით გამოსვლისას განაცხადა.

როგორც მთავრობის მეთაურმა აღნიშნა, მნიშვნელოვანია როგორც მაღალი მიღწევების სპორტის განვითარება, ასევე მასობრივი სპორტის განვითარება.

„დღეს იხსნება არაჩვეულებრივი სტადიონი, რომელიც აშენდა უეფა-ს სტანდარტების შესაბამისად. ის არის აშენებული, როგორც უეფა-ს მეორე კატეგორიის სტადიონი, ყველა შესაბამისი აღჭურვილობა ადგილზეა, ადაპტირებულია შშმ პირებისთვის და რაც მთავარია, თვალს უხარია ასეთი ლამაზი სტადიონი. სპორტის განვითარება ჩვენთვის განსაკუთრებულად მნიშვნელოვანია, ყოველდღიურად ვითარდება ჩვენი სპორტი, გვაქვს განსაკუთრებული მიღწევები. მნიშვნელოვანია, როგორც მაღალი მიღწევების სპორტის განვითარება, ასევე მასობრივი სპორტის განვითარება, რადგან ყველას მოგეხსენებათ, სპორტი ნიშნავს უფრო ჯანმრთელ საზოგადოებას, უფრო ჯანმრთელ ახალგაზრდობას, სწორ გზაზე მდგომ ახალგაზრდობას და ამიტომ ყველაფერი გაკეთდება იმისთვის, რომ მომავალშიც ვიზრუნოთ სპორტის განვითარებაზე. ასეთი ობიექტების გახსნაზე აქტიურად მუშაობს ინფრასტრუქტურის სამინისტრო", - განაცხადა პრემიერმა.

ირაკლი კობახიძემ ინფრასტრუქტურის სამინისტროს მუნიციპალური განვითარების ფონდს, პირადად მინისტრ ირაკლი ქარსელაძეს და კულტურისა და სპორტის მინისტრ თეა წულუკიანს სპორტის განვითარებისთვის გაწეული ძალისხმევისთვის მადლობა გადაუხადა.

„მადლობა ფეხბურთის ფედერაციასა და ფეხბურთის ფედერაციის პრეზიდენტს, ლევან კობიაშვილს. მომავალშიც ყველაფერი გაკეთდება იმისთვის, რომ ვიზრუნოთ სპორტზე, კონკრეტულად ფეხბურთზე, რომელიც ჩვენთვის განსაკუთრებულად საამაყო სპორტის სახეობაა. მინდა, კიდევ ერთხელ განსაკუთრებულად მოგილოცოთ ბავშვებს, ახალგაზრდებს. დარწმუნებული ვარ, ამ სტადიონზე ბევრი ჩემპიონი გაიზრდება. წარმატებებს გისურვებთ ყველას", - განაცხადა პრემიერ-მინისტრმა.

მთავრობის ადმინისტრაციის ინფორმაციით, მარნეულში ახალი საფეხბურთო სტადიონის გახსნის ღონისძიების მონაწილეებს ასევე სიტყვით მიმართეს ვიცე-პრემიერმა, საქართველოს კულტურისა და სპორტის მინისტრმა, თეა წულუკიანმა, რეგიონული განვითარებისა და ინფრასტრუქტურის მინისტრმა, ირაკლი ქარსელაძემ და ფეხბურთის ფედერაციის პრეზიდენტმა, ლევან კობიაშვილმა.

მათივე ცნობით, რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ქალაქ მარნეულში ახალი საფეხბურთო სტადიონის მშენებლობა დაასრულა. პროექტირება-მშენებლობის სამუშაოები სახელმწიფო ბიუჯეტიდან 8.2 მილიონი ლარით დაფინანსდა. ახალი საფეხბურთო სტადიონი არა მხოლოდ ადგილობრივ, არამედ საერთაშორისო ტურნირებს უმასპინძლებს.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი