ირაკლი ქარსელაძე - უეფას კატეგორიის სტადიონი უკვე მარნეულშიც გავხსენით, ვაგრძელებთ სპორტული ინფრასტრუქტურის განვითარებას

ერთობლივი ძალისხმევით ვაშენებთ იმ სტანდარტის სტადიონებს, რომლებზეც ახალი ჩემპიონები და კიდევ უფრო მეტი მოყვარული, თუ პროფესიონალი სპორტსმენები გაიზრდებიან , - ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ ქალაქ მარნეულში ახალი საფეხბურთო სტადიონის გახსნისას განაცხადა.

მინისტრმა ახალი, უეფას კატეგორიის სტადიონის გახსნა ადგილობრივებს, ახალგაზრდა სპორტსმენებს და სპორტის მოყვარულებს მიულოცა. მან, ასევე მადლობა გადაუხადა მუნიციპალური განვითარების ფონდის გუნდს, ფეხბურთის ფედერაციას, კულტურისა და სპორტის სამინისტროს, კონტრაქტორ და საზედამხედველო ორგანიზაციებს.

,,2023 წელს ღირსეულად ვუმასპინძლეთ უეფას 21 წლამდელთა ევროპის ჩემპიონატს. 11 სტადიონის მშენებლობა და რეაბილიტაცია განხორციელდა სწორედ დაგროვილი გამოცდილების შედეგად. უეფას კატეგორიის სტადიონი უკვე მარნეულშიც გავხსენით. გარდა ამისა მნიშვნელოვანია, სპორტის მიმართულებით სამინისტროს პროექტები, რომლებიც ხორციელდება: ზუგდიდში, ახალციხეში , წნორში , ბოლნისში, არხილოსკალოში და მრავალ სხვა მდებარეობაში. ჩვენ ვანვავითარებთ სპორტულ ინფრასტრუქტურას. ქუთაისს უკვე აქვს ოლიმპიური საცურაო აუზი და რუსთავს ასევე აქვს მრავალფუნქციური, სპორტკომპლექსი და რა თქმა უნდა, ამ მიმართულებით კვლავ გავაგრძელებთ მუშაობას და განვითარებას “, - განაცხადა ირაკლი ქარსელაძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი