პრეზიდენტი - ევროპელები და ამერიკელები ამბობენ: „ეს არ არის ჩვენთან დაახლოების გზა“ და  რუსები ამბობენ: „კარგად იქცევით ბიჭებო” - ნათელი არჩევანი დგას

ევროპელები და ამერიკელები ამბობენ, რომ ეს არ არის ჩვენთან დაახლოების გზა და პირიქით, ეწინააღმდეგება და რუსები ამბობენ, რომ კარგად იქცევით ბიჭებოო, - ამის შესახებ საქართველოს პრეზიდენტმა, სალომე ზურაბიშვილმა „უცხოური გავლენის გამჭვირვალობის შესახებ“ კანონზე საუბრისას განაცხადა.

როგორც პრეზიდენტმა „ქართულ ქარტიაზე“ ხელმომწერი ოპოზიციონერი პოლიტიკური პარტიების წარმომადგენლების მიღებაზე განაცხადა, ქვეყანა არჩევანის წინაშე დგას, ან აღვადგენთ ევროპულ გზას, ან წავალთ იმ მიმართულებით, რაც ოკუპანტ ქვეყანასთან გვაახლოებს.

"ამ რუსული კანონის მიღებამ სხვა მასშტაბში გადაგვიყვანა იმ დღიდან, როცა ყველა ჩვენმა პარტნიორმა - ევროპელები თუ ამერიკელები, მთელი დასავლეთი და უკლებლივ ყველა ორგანიზაცია - დაგმო ეს კანონი და თქვა, რომ ამას ადგილი არ აქვს ევროპაში და ამ კანონით ვერ მიგიღებთ ევროპაში. ამაზე ნათელი გზავნილი არა მგონია, რომ საქართველოს ოდესმე მიეღოს. მაგრამ ესეც ვერ გაიგო მმართველმა გუნდმა და ჩვენ და ეს პროცესი გადავიდა სხვა განზომილებაში. ძალიან ნათლად გამოჩნდა, რომ - „ან-ან“-ის საკითხი დადგა ჩვენს წინაშე. ან აღვადგენთ იმ ევროპულ გზას, რომელზედაც ვიდექით ისე თუ ასე, ხან ჩქარა, ხან ნელა, მაგრამ ვიდექით, ან ვერ დავაბრუნებთ და მივდივართ სულ სხვა მიმართულებით, კოლაბორაციონიზმი დაარქვით, თუ რაც გინდათ ის დაარქვით, ეს არის სხვა მიმართულება, რომელიც გვაახლოებს იმ ოკუპანტ ქვეყანასთან, რომელიც სხვათა შორის, ძალიან აფასებს ყველა განცხადებას და ყველა ნაბიჯს მიღებულს მმართველი გუნდის მიერ. ევროპელები და ამერიკელები ამბობენ, რომ ეს არ არის ჩვენთან დაახლოების გზა და პირიქით, ეწინააღმდეგება და რუსები ამბობენ, რომ კარგად იქცევით ბიჭებოო. ასე რომ, მე მგონი, ნათელი არჩევანი დგას, ეს არის ევროპული გზის გადარჩენის არჩევანი", - განაცხადა საქართველოს პრეზიდენტმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი