სალომე ზურაბიშვილი - არჩევნების მოგება ყოველთვის შეიძლება, თუ საზოგადოების სრული მობილიზაციაა - ინდიფერენტულობა არ შეიძლება, ეს დანაშაულია ქვეყნის მიმართ

ჩვენს ქვეყანაში არჩევნებს ძალიან ცუდ პირობებში იგებენ, ადვილი არჩევნები, პრაქტიკულად, არ გვქონია, მიუხედავად ამისა, არჩევნების მოგება ყოველთვის შეიძლება, თუ საზოგადოების სრული მობილიზაციაა, - ამის შესახებ საქართველოს პრეზიდენტმა სალომე ზურაბიშვილმა განაცხადა.

როგორც მან „ქართულ ქარტიაზე“ ხელმომწერი ოპოზიციური პარტიების წარმომადგენლების მიღებაზე გამოსვლისას აღნიშნა, საარჩევნო პროცესში ყველა უნდა ჩაერთოს და „ინდიფერენტულობა დანაშაულია ქვეყნის მიმართ, რომელიც ამის ღირსი ნამდვილად არ არის“.

„არჩევნებისთვის ამომრჩევლების დიდი მობილიზაციაა საჭირო, ეს ყველამ კარგად იცის. ჩვენს ქვეყანაში არჩევნებს ძალიან ცუდ პირობებში იგებენ, ადვილი არჩევნები, პრაქტიკულად, არ გვქონია. გარდა სულ დასაწყისისა, მაშინ 1918 წელს უნდა დავუბრუნდეთ. მიუხედავად ამისა, არჩევნების მოგება ყოველთვის შეიძლება, თუ საზოგადოების სრული მობილიზაციაა. ეს ყველას პასუხისმგებლობაა და ვთქვი, რომ მეც მაქვს პასუხისმგებლობა, მაქსიმალურად მივმართო ყველას, რომ ჩაერთონ. ეს არის მათი მომავალი, მათი შვილების მომავალი და ინდიფერენტულობა არ შეიძლება. ეს არის დანაშაული ამ ქვეყნის მიმართ, რომელიც ამის ღირსი ნამდვილად არ არის. ეს მობილიზაცია, პირველ რიგში აქაურ საზოგადოებას ეხება, მაგრამ ეხება დიასპორასაც, რომელიც აქამდე ძალიან ინერტული იყო. რაც არ უნდა შორს იყო და რაც არ უნდა დიდხანს, მაინც გაინტერესებს შენი ქვეყნის ბედი და გაინტერესებს, რომ შენი ქვეყანა ოკუპანტს ხელში არ ჩაუვარდეს“, - აღნიშნა საქართველოს პრეზიდენტმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს