ზურაბ ჯაფარიძე - სამუშაო ძალიან ბევრია, მთავარი ამოცანაა, არჩევნებზე მოსახლეობის მაღალი გამოცხადება, ამ შემთხვევაში არანაირი გაყალბება არ უშველით, არანაირი სუს-ი და "ხარება"

"ქართული ქარტია" ძალიან მნიშვნელოვანია. მნიშვნელოვანია ისიც, რომ პრეზიდენტი აპირებს ქარტია გააცნოს დასავლელ პარტნიორებს და იქაც მოიპოვოს ამ რეფორმების მხარდაჭერა , - ამის შესახებ „გირჩი - მეტი თავისუფლებას“ ლიდერმა, ზურაბ ჯაფარიძემ ორბელიანების სასახლეში პრეზიდენტთან მიღების შემდეგ მედიასთან განაცხადა.

ჯაფარიძის თქმით, შეხვედრაზე საუბრის თემა შეეხებოდა იმ რეფორმებს, რომელიც გასატარებელია იმისათვის, რომ ევროკავშირმა საქართველოს გაწევრიანებასთან დაკავშირებით მოლაპარაკებები გახსნას.

"დღეს საუბარი იყო ქარტიაზე, მის შინაარსზე, რომ მოხდა მთელი ოპოზიციური პარტიების გაერთიანება. საუბარი იყო იმაზე თუ რა რეფორმებია გასატარებელი იმისათვის, რომ ჩვენ ერთი ნაბიჯი გადავდგათ ევროკავშირთან მოლაპარაკებების გახსნისთვის, 2030 წელს ქვეყანა გავიდეს სამშვიდობოს და ევროკავშირის სრულფასოვანი წევრი გახდეს. ამ თვალსაზრისით ქარტია ძალიან მნიშვნელოვანია. მნიშვნელოვანია ისიც, რომ პრეზიდენტი აპირებს ქარტია გააცნოს დასავლელ პარტნიორებს, პირველ რიგში, ბრიუსელში და იქაც მოიპოვოს ამ რეფორმების მხარდაჭერა",- განაცხადა ჯაფარიძემ.

მისივე თქმით, სამუშაო ძალიან ბევრია, მთავარი ამოცანაა, არჩევნებზე იყოს ამომრჩეველთა მაღალი გამოცხადება.

"სამუშაო არის ძალიან ბევრი იმ საკითხებზე, რაზეც ზურაბიშვილმაც ისაუბრა. მთავარი ამოცანაა, არჩევნებზე იყოს მოსახლეობის მაღალი გამოცხადება. მაღალი გამოცხადების შემთხვევაში არანაირი გაყალბება არ უშველით, არანაირი სუს-ი და არანაირი "ხარება", - განაცხადა ჯაფარიძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი