რაც „აგენტების რუსულმა კანონმა“ ლონდონის ბირჟაზე ქართულ კომპანიებს დამართა, იშვიათად თუ მოიძებნება პრაქტიკაში, - ამის შესახებ „ევროოპტიმისტების“ დეპუტატმა, რომან გოცირიძემ განაცხადა.

როგორც გოცირიძემ განმარტა, ქართული კომპანიების აქციების ფასების კლება კვლავ გრძელდება.

,,ბოლო ერთი თვის განმავლობაში, პირველი მაისიდან დღემდე, ამ კომპანიებმა ერთბაშად დაკარგეს თავისი ღირებულების მეოთხედზე მეტი: „ჯორჯია კაპიტალი“ -29.8%. „საქართველოს ბანკი“ -30.9%. „თიბისი ბანკი“ -25.6%.

ამ კომპანიების საბაზრო კაპიტალიზაციის ჯამურმა კლებამ 1,6 მილიარდი გირვანქა სტერლინგი შეადგინა, რაც დაახლოებით 5,6 მილიარდი ლარის ტოლია" , - აღნიშნა რომან გოცირიძემ.