ადამიანის უფლებები უნდა იყოს ძალიან მკაცრად დაცული, განურჩევლად ცხოვრების წესისა, მაგრამ პროპაგანდა შეიცავს კონკრეტულ საფრთხეებს, აქედან გამომდინარე, კანონით პროპაგანდასთან დაკავშირებული საკითხების მოწესრიგება არის პრინციპულად მნიშვნელოვანი, - ამის შესახებ პრემიერ-მინისტრმა,ირაკლი კობახიძემ ჟურნალისტებს განუცხადა, როდესაც ისაუბრა კანონების პაკეტზე„ოჯახური ღირებულებებისა და არასრულწლოვანთა დაცვის შესახებ“.

მისი განმარტებით, „პირველ რიგში, ერთმანეთისგანვე ძალიან მკაფიოდ უნდა გავმიჯნოთ ადამიანის უფლებების დაცვა და პროპაგანდა.

„საქართველოში ადამიანის უფლებები არის დაცული და მომავალშიც, მკაცრად უნდა იყოს დაცული. ეს ეხება ნებისმიერ ადამიანს განურჩევლად ცხოვრების წესისა, მაგრამ რაც შეეხება პროპაგანდას, პროპაგანდა არის მიუღებელი და ის კანონპროექტი, რომელიც დაინიცირდა, ეხება სწორედ პროპაგანდას. მანამდე დაინიცირდა შესაბამისი კონსტიტუციური კანონპროექტი, ახალა უკვე ჩვეულებრივი კანონპროექტი, რომელიც განიხილება საქართველოს პარლამენტში და რა თქმა უნდა, ამ მოწვევის პარლამენტი ამ პროცესს ბოლომდე მიიყვანს.

გავიმეორებ, ადამიანის უფლებები უნდა იყოს ძალიან მკაცრად დაცული, განურჩევლად ცხოვრების წესის ან ნებისმიერი ადამიანის უფლებები უნდა იყოს დაცული, ნებისმიერი მოქალაქის პატივისცემა განურჩევლად ცხოვრების წესისა, ნებისმიერი საკითხისა არის ჩვენი ვალდებულება, მაგრამ პროპაგანდა შეიცავს კონკრეტულ საფრთხეებს, აქედან გამომდინარე, კანონით პროპაგანდასთან დაკავშირებული საკითხების მოწესრიგება არის პრინციპულად მნიშვნელოვანი“, - განაცხადა კობახიძემ.