პრემიერი - ე.წ. ქარტიაში წარმოდგენილი გეგმა არის სახელმწიფოს დამოუკიდებლობის მოშლის გეგმა - რეალურად სალომე ზურაბიშვილმა უცხოელი აგენტების პარტიული რეესტრი შექმნა

რეალურად სალომე ზურაბიშვილმა უცხოელი აგენტების პარტიული რეესტრი შექმნა - სხვა არაფერი შეიძლება ეწოდოს სიას, რომელიც სალომე ზურაბიშვილის რეზიდენციაში შედგა! - ასე ეხმაურება პრემიერი-მინისტრი ირაკლი კობახიძე ოპოზიციური პოლიტიკური პარტიების მიერ პრეზიდენტის მიერ ინიცირებულ “ქართულ ქარტიაზე“ ხელმოწერას.

კობახიძის შეფასებითვე, “ქართულ ქარტიაში“ წარმოდგენილი გეგმა სახელმწიფოს დამოუკიდებლობის მოშლის გეგმაა.

კობახიძის თქმით, ქარტიის გარშემო გაერთიანებულ ოპოზიციას არავითარი პერსპექტივა არა აქვს, რადგან “ეს არის კოლექტიური “ნაციონალური მოძრაობა“, რომელიც ერთ ქვაბში კიდევ ერთხელ მოთავსდა“.

“ზოგადად, როდესაც რაიმე ჩავარდება, მისი ხელახლა დაწყება მომგებიანი არ არის. ეს პროექტი ადრეც არსებობდა - მას ნათელაშვილის ფანჩატურს უწოდებდნენ. სალომე ზურაბიშვილმა ამის რეინკარნაცია შემოგვთავაზა. რა თქმა უნდა, უკვე ჩავარდნილი პროექტის გაცოცხლება განწირულია წარუმატებლობისთვის - ზუსტად იგივე სახეები, იგივე ადამიანები და პირველ რიგში, არაევროპული სახეები. რა თქმა უნდა, ამ პროექტს წარმატების პერსპექტივა არა აქვს, ეს უკვე ჩავარდნილი პროექტია.

ე.წ. ქარტიაში წარმოდგენილი გეგმა არის სახელმწიფოს დამოუკიდებლობის მოშლის გეგმა - თითოეული პუნქტი, რომელიც არის წარმოდგენილი სწორედ საქართველოს დამოუკიდებლობის მოშლის გეგმაა, რაც აბსოლუტურად ლოგიკურია - როდესაც უცხოეთის აგენტები შეთანხმებას აფორმებენ, მათი ერთადერთი ამოცანა სახელმწიფოს დამოუკიდებლობის მოშლა შეიძლება იყოს. ზუსტად ამას ასახავს ქარტია“, - განაცხადა ირაკლი კობახიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024