შალვა პაპუაშვილი - ის, როგორც ევროპა საქართველოს ექცეოდა ბოლო ორი წლის განმავლობაში, რა თქმა უნდა, არ ჯდება არანაირად ევროპულ ღირებულებებში

ის, როგორც ევროპა საქართველოს ექცეოდა ბოლო ორი წლის განმავლობაში განსაკუთრებით, რა თქმა უნდა, არ ჯდება არანაირად ევროპულ ღირებულებებში, - ამის შესახებ საქართველოს პარლამენტის თავმჯდომარემ შალვა პაპუაშვილმა ევროპის მხრიდან საქართველოს, უკრაინისა და მოლდოვის მიმართ პოზიციების შეფასებისას განაცხადა.

როგორც მან აღნიშნა, ევროინტეგრაციის პროცესშიც ვნახეთ ბევრი უსამართლო გადაწყვეტილება. მისი თქმით, "ის, როგორც ევროპა საქართველოს ექცეოდა ბოლო ორი წლის განმავლობაში, განსაკუთრებით, რა თქმა უნდა, არ ჯდება არანაირად ევროპულ ღირებულებებში".

„უსამართლო გადაწყვეტილებებს ქართველი ხალხი შეჩვეულია ისტორიულადაც და ამ ბოლო პერიოდშიც. ევროინტეგრაციის პროცესშიც ჩვენ ვნახეთ ბევრი უსამართლო გადაწყვეტილება და მოქცევა. ის, როგორც ევროპა საქართველოს ექცეოდა ბოლო ორი წლის განმავლობაში, განსაკუთრებით, რა თქმა უნდა, არ ჯდება არანაირად ევროპულ ღირებულებებში და ზოგჯერ იყო ისეთი ქცევა და მოწოდებები, რომელიც საქართველოს დააზიანებდა. ჩვენ ვნახეთ უსამართლო გადაწყვეტილებები კანდიდატის სტატუსის არმინიჭების დროს 2022 წლის ივნისში, ასევე შარშან დეკემბერში, როდესაც კანდიდატის სტატუსი კი მოგვანიჭეს, მაგრამ არ გახსნეს მოლაპარაკება საქართველოსთან, მაშინ როდესაც მიიღეს ეს გადაწყვეტილება მოლდოვასთან, უკრაინასთან, ბოსნია და ჰერცეგოვინასთან დაკავშირებით, რომლებიც ათი თავით ჩამორჩებიან საქართველოს, როგორც ცნობილია ყველასთვის.

გარდა ამისა, იყო უსამართლო მოთხოვნები მიხეილ სააკაშვილის გათავისუფლებასთან, სანქციების დაწესებასთან დაკავშირებით. ჩვენ თვეები დაგვჭირდა, რომ ევროპისგან მომდინარე ეს მოთხოვნა ქართველი ხალხისთვის საზიანო ნაბიჯების გადადგმისა, რაღაცნაირად ჩაგვეცხრო. აქ ზოგიერთი ევროპელი პოლიტიკოსი, ქართულ „ენჯეოებთან“ და პოლიტიკოსებთან სიამ-ტკბილობაში ამ დაზიანებით იყო დაკავებული. ასე რომ, არ გვაკვირვებს უსამართლობა“, - განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024