კახა კალაძე გერმანიის ელჩზე - ჩვენ არაერთი ფაქტი გვიხილავს, რომ ხდება ამგვარი მანიპულაციები, საზოგადოების შეცდომაში შეყვანის, დაპირისპირების მცდელობა

ჩვენ არაერთი ფაქტი გვიხილავს, რომ ხდება ამგვარი მანიპულაციები, საზოგადოების შეცდომაში შეყვანის მცდელობა, დაპირისპირების მცდელობა, - ასე გამოეხმაურა „ქართული ოცნების“ გენერალური მდივანი გერმანიის ელჩის მიერ, სოციალურ ქსელში, კანცლერ ოლაფ შოლცის განცხადების გაზიარებულ⁸ საკითხს, სადაც არ იყო დაკონკრეტებული, თუ ვის მიემართებოდა კანცლერის სიტყვები სიძულვილისა და ძალადობის შეუწყნარებლობასთან დაკავშირებით.

კალაძის თქმით, დღეს უამრავი შესაძლებლობა აქვთ ადამიანებს, მიიღონ სწორი ინფორმაცია და არავის არ მიეცეს შესაძლებლობა რომ საზოგადოება მოატყუოს.

„ჩვენ არაერთი ფაქტი გვიხილავს ასეთი, რომ ხდება ამგვარი მანიპულაციები, საზოგადოების შეცდომაში შეყვანის მცდელობა, დაპირისპირების მცდელობა, მაგრამ დღეს არ არის ის დრო, რაც იყო 2012 წლამდე, რომ ერთი კაცის ჯიბეში იყო ყველა ტელევიზია, ყველა მედია საშუალება. დღეს არის სრული თავისუფლება, უამრავი შესაძლებლობა აქვთ ადამიანებს, მიიღონ სწორი ინფორმაცია სხვადასხვა საკითხთან დაკავშირებით და არავის არ მიეცეს შესაძლებლობა, რომ საზოგადოება მოატყუოს, შეიყვანოს შეცდომაში და ამგვარი სპეკულაციები განახორციელოს", - განაცხადა კალაძემ.

ცნობისთვის, საქართველოში გერმანიის ელჩმა პეტერ ფიშერმა პლატფორმა X-ზე გერმანიის კანცლერის, ოლაფ შოლცის განცხადება გაავრცელა, სადაც შოლცი აცხადებს: „ბოლო დღეებში იზრდება პოლიტიკურად მოტივირებული შუღლი და თავდასხმები. ჩვენ არ გვაქვს სიძულვილისა და ძალადობის მიმართ შემწყნარებლობა. ხალხის უმრავლესობა ღირსეულია. მათი ხმა უდავოდ უნდა ისმოდეს".

გერმანიის ელჩს არ მიუთითებია, ვისი მისამართით იყო გაჟღერებული კანცლერის აღნიშნული განცხადება, რამაც ქართული მედიისა და საზოგადოების ნაწილს დაუტოვა აღქმა, რომ ოლაფ შოლცის ეს განცხადება საქართველოში უკანასკნელ პერიოდში მიმდინარე მოვლენებს ეხმაურებოდა.

როგორც გერმანიის საელჩოში „ინტერპრესნიუსს“ განუმარტეს, ოლაფ შოლცის ეს განცხადება გერმანიაში მიმდინარე მოვლენებისკენ იყო მიმართული.

„კანცლერის განცხადება შეეხებოდა გერმანიაში კონკრეტულ სიტუაციას, თუმცა, ზოგადად, ეს სიტყვები საყოველთაო ხასიათისაა“, - აღნიშნულია საელჩოს კომენტარში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024