კახა კალაძე - სალომე ზურაბიშვილის განცხადება სამარცხვინოა - ეს ადამიანი საერთოდ გონზე არ არის, რა პროექტზეა საუბარი და რამდენად მნიშვნელოვანია ჩინური კომპანიის არსებობა

სამარცხვინოა, უბრალოდ, სალომე ზურაბიშვილის განცხადება. ზოგადად, მისი ქმედებები არის სამარცხვინო ბოლო წლების განმავლობაში , - ასე შეაფასა თბილისის მერმა, კახა კალაძემ ანაკლიის პროექტში ჩინური კომპანიის ჩართვასთან დაკავშირებით პრეზიდენტ სალომე ზურაბიშვილის განცხადება.

კალაძის განცხადებით, "სალომე ზურაბიშვილი გონზე არ არის, რა პროექტზეა საუბარი".

"მე თუ მკითხავთ, ეს ადამიანი საერთოდ გონზე არ არის, რა პროექტზეა საუბარი და რამდენად მნიშვნელოვანია ჩინური კომპანიის არსებობა. ეს ყველაფერი ხომ გამჭვირვალე იყო, თუ სურვილი ჰქონდათ ევროპულ და ამერიკულ კომპანიებს მიეღოთ მონაწილეობა, ყოფილიყვნენ გამარჯვებული და მათ განეხორციელებინათ ეს პროექტი, ვინ უშლიდათ? ვინ შეზღუდათ? გადაედგათ ეს ნაბიჯი და გაეკეთებინათ. რაც შეეხება ჩინურ კომპანიას, მნიშვნელოვანი რატომ არის მისი არსებობა-ევროპულ ან ამერიკულ კომპანიასაც რომ გაემარჯვებინა, ჩინელების ჩართულობა მაინც მნიშვნელოვანი იქნებოდა იმ თვალსაზრისით, რომ დღეს 800 მილიარდამდე ბრუნვა აქვს ევროპასთან ჩინეთს. გარკვეული ნაწილი საქართველოს გავლით რომ წამოვიდეს და საქართველოს პორტების გამოყენება მოხდეს, წარმოიდგინეთ, ეს რამხელა შვება იქნება ჩვენი ეკონომიკისთვის, ქვეყნის განვითარებისთვის, წინსვლისთვის და ა.შ. ამიტომ არის მნიშვნელოვანი ჩინური კომპანიის მონაწილეობა. სტრატეგიული მნიშვნელობის პროექტი არის ანაკლიის პროექტის განხორციელება და ჩვენ ამას მხოლოდ და მხოლოდ მივესალმებით", - განაცხადა კალაძემ.

ცნობისთვის, პრეზიდენტ სალომე ზურაბიშვილის განცხადებით, "ანაკლიაში ჩინელების შემოყვანა, ამ დოზით, არის დანის ჩარტყმა ჩვენს ურთიერთობებში ამერიკელ თუ ევროპელ პარტნიორებთან".

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი