რუსეთის საგარეო საქმეთა მინისტრის მოადგილე მიხაილ გალუზინი - არ გამოვრიცხავთ, რომ რუსეთის საზღვრებთან დაძაბულობის კიდევ ერთი კერის შექმნის იმედით, მიზანი იყოს საქართველოს ხელისუფლების ცვლილება „მაიდნის“ სცენარით

არ გამოვრიცხავთ, რომ რუსეთის საზღვრებთან დაძაბულობის კიდევ ერთი კერის შექმნის იმედით, მიზანი იყოს ხელისუფლების ცვლილება "მაიდნის" სცენარის განხორციელების მცდელობით, - ამის შესახებ რუსეთის საგარეო საქმეთა მინისტრის მოადგილემ, მიხაილ გალუზინმა TASS-თან ინტერვიუში, საქართველოზე საუბრისას განაცხადა.

„ჩვენ ვხედავთ დასავლელების მცდელობებს, რომ საქართველოში ოქტომბერში დაგეგმილი საპარლამენტო არჩევნების კონტექსტში სიტუაციის ესკალაცია მოახდინონ. არ გამოვრიცხავთ, რომ რუსეთის საზღვრებთან დაძაბულობის კიდევ ერთი კერის შექმნის იმედით, მიზანი იყოს ხელისუფლების ცვლილება "მაიდნის" სცენარის განხორციელების მცდელობით“, - განაცხადა მიხაილ გალუზინმა.

გალუზინმა აღნიშნა, რომ აშშ და ევროკავშირის ქვეყნები ბევრ სუვერენულ სახელმწიფოზე ზეწოლას ახორციელებენ.

„ამჯერად დასავლელებმა გადაწყვიტეს „უცხოური გავლენის გამჭვირვალობის შესახებ“ კანონის განხილვასთან დაკავშირებით საქართველოთი დაკავდნენ, თუმცა თავად აშშ-ში და სხვა მსოფლიოს „უმცირესობის“ ქვეყნებში ამ თემაზე ბევრად უფრო მკაცრი სტანდარტები უკვე არსებობს ან განიხილება. ბრიუსელიდან და ვაშინგტონიდან „დემოკრატიისთვის ძირის გამოთხრის“, „ევროპულ“ და „ევროატლანტიკურ“ ღირებულებებთან შეუსაბამობის შესახებ თვალთმაქცური ბრალდებები მოდიოდა. ასევე, პერსონალური სანქციების გამოყენების მუქარა, საქართველოს „ევროატლანტიკური პერსპექტივების“ დაბლოკვის, ევროკავშირის კანდიდატის სტატუსის ჩამორთმევისა და ამ ქვეყნის მოქალაქეებისთვის უვიზო რეჟიმის შეჩერების შესახებ“, - აღნიშნა რუსეთის საგარეო საქმეთა მინისტრის მოადგილემ.

ასევე, გალუზინი თბილისში, საპროტესტო აქციაზე ლიეტუვის, ესტონეთისა და ისლანდიის საგარეო საქმეთა მინისტრების მისვლას გამოეხმაურა.

„ძნელია ამის სხვაგვარად აღწერა, გარდა დამოუკიდებელი სახელმწიფოს საშინაო საქმეებში უხეში ჩარევისა. ეს ყველაფერი ნეოკოლონიალური პრაქტიკის საშინელი მაგალითია, ქვეყნებზე საკუთარი ნების თავზე მოხვევისა, რომელთა სუვერენიტეტის შეზღუდვასაც ისინი ცდილობენ.

ჩვენი მხრივ, დაინტერესებული ვართ საქართველოს სტაბილური დემოკრატიული განვითარებით. ამავდროულად, ამერიკის შეერთებული შტატებისა და ევროკავშირისგან განსხვავებით, სუვერენული სახელმწიფოების საშინაო საქმეებში არ ვერევით“, - განაცხადა რუსეთის საგარეო საქმეთა მინისტრის მოადგილემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024