ბუნდესვერი Rheinmetall-ისგან კიდევ 200 000 საარტილერიო ჭურვის შეძენას გეგმავს
გერმანიის თავდაცვის სამინისტრო კონცერნ Rheinmetall-ისგან იმაზე მეტი საარტილერიო საბრძოლო მასალის შეძენას გეგმავს, ვიდრე ადრე იყო დაგეგმილი.
გამოცემა Der Spiegel-ი გერმანიის თავდაცვის სამინისტროს ბუნდესტაგის საბიუჯეტო კომიტეტისადმი მიწერილ წერილზე დაყრდნობით იუწყება, რომ იგეგმება უკვე დადებული 880 მილიონი ევროს ღირებულების კონტრაქტის გაფართოება კიდევ 200 000 155 მმ-იანი ჭურვის შესაძენად.
ასეთი ჭურვები ძირითადად განკუთვნილია Panzerhaubitze 2000 ტიპის თვითმავალი საარტილერიო დანადგარებისთვის.
Der Spiegel-ის ცნობით, საბრძოლო მასალა საჭიროა ბუნდესვერის არსენალის შესავსებად და უკრაინის დასახმარებლად.
აღსანიშნავია, რომ ამჟამად Rheinmetall-ი ქვემო საქსონიის ფედერალურ მიწაზე, ქალაქ უნტერლუსში ახალ ქარხანას აშენებს.
