საქართველოს ტექნიკურ უნივერსიტეტსა და საქართველოს სოფლის მეურნეობის მეცნიერებათა აკადემიას შორის თანამშრომლობის მემორანდუმი გაფორმდა

საქართველოს ტექნიკურ უნივერსიტეტსა და საქართველოს სოფლის მეურნეობის მეცნიერებათა აკადემიას შორის თანამშრომლობის მემორანდუმი გაფორმდა. ამის შესახებ ინფორმაციას სტუ ავრცელებს.

უნივერსიტეტის ცნობით, თანამშრომლობის დოკუმენტს საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ და საქართველოს სოფლის მეურნეობის მეცნიერებათა აკადემიის პრეზიდენტმა, აკადემიკოსმა გივი ჯაფარიძემ მოაწერეს ხელი.

მემორანდუმის თანახმად, სამეცნიერო პრიორიტეტებსა და სახელმწიფო ინტერესებზე დაყრდნობით, მხარეები აგრარულ სექტორში ქვეყნისთვის მნიშვნელოვან სამეცნიერო და საგანმანათლებლო გამოწვევებზე ერთობლივი ძალებით იმუშავებენ, ასევე, განავითარებენ და გააღრმავებენ მეცნიერთა შორის კვლევით ურთიერთობებს, რაც თავის მხრივ, მომავალი თაობებისთვის საერთაშორისო მოთხოვნების შესაბამისი უმაღლესი განათლების მიღებასა და კვლევების ინტერნაციონალიზაციას შეუწყობს ხელს.

რექტორის, აკადემიკოს დავით გურგენიძის განცხადებით, მეცნიერებისა და განათლების სფეროებში საქართველოს ტექნიკურ უნივერსიტეტსა და საქართველოს სოფლის მეურნეობის მეცნიერებათა აკადემიას შორის ურთიერთგაგებისა და ურთიერთპატივისცემის პრინციპებზე დაფუძნებული კოლაბორაცია, მხარეთა საერთაშორისო პარტნიორი ორგანიზაციების მონაწილეობით, მკვეთრად დადებით ასახვას ჰპოვებს არსებული სამეცნიერო გამოწვევების დაძლევის პროცესში.

„საქართველოს ტექნიკურ უნივერსიტეტს მრავალწლიანი ურთიერთობა აკავშირებს საქართველოს სოფლის მეურნეობის მეცნიერებათა აკადემიასთან. მემორანდუმის გაფორმებით, კიდევ უფრო აქტიურად და მიზანმიმართულად გამოვიყენებთ იმ ინტელექტუალურ შესაძლებლობებს, რომლებიც გააჩნია უნივერსიტეტსა და აკადემიას და ერთობლივ ძალისხმევას მივმართავთ ქვეყანაში უმაღლესი განათლებისა და აგრარული მეცნიერებების განვითარების მხარდასაჭერად, პროფესიონალთა ახალი თაობების აღსაზრდელად. უნივერსიტეტში მოქმედებს აგრარული მეცნიერებებისა და ბიოსისტემების ინჟინერინგის ფაკულტეტი, რომელიც მრავალმხრივ წარმატებულია, როგორც სამივე საფეხურის მოთხოვნადი საგანმანათლებლო პროგრამებით, ასევე, წამყვან ევროპულ უნივერსიტეტებთან კოლაბორაციით შემუშავებული საბაკალავრო და სამაგისტრო პროგრამებით, რომელთა დასრულების შემდეგ ახალგაზრდები ორმაგ, ქართული და ევროპული უნივერსიტეტის დიპლომს იღებენ. ფაკულტეტი აღჭურვილია აგრარული და მომიჯნავე მიმართულებების უახლესი ლაბორატორიული ბაზით. ასევე, აღსანიშნავია უნივერსიტეტის სრულიად ახალი, მთის მდგრადი განვითარების ფაკულტეტი, რომლის პრიორიტეტული საგანმანათლებლო პროგრამები, გარკვეულწილად, კავშირშია აგრარულ მეცნიერებებთან. აღნიშნულის გათვალისწინებით, ჩვენი სამეცნიერო-აკადემიური წრეებისა და სტუდენტების ჩართულობით, საშუალება გვეძლევა გაცილებით აქტიურად ვიმუშაოთ ახალი სამეცნიერო ცენტრების დაფუძნებაზე, ერთობლივ პროექტებზე, ერთობლივ ახალ საგანმანათლებლო პროგრამებზე, რომელთა რეალიზაციის შედეგად, ერთი მხრივ, ხელს შევუწყობთ აგრარულ ინდუსტრიებში განათლებისა და მეცნიერების ინტეგრაციას და ქვეყნის ეკონომიკის აღმავლობას, მეორე მხრივ კი - სამეცნიერო ტერმინოლოგიის სრულყოფას, ქართული აგრარული მეცნიერების განვითარებას, საერთაშორისო სივრცეში მისი შესაძლებლობების აქტიურად წარმოჩენას, ასევე, მსოფლიოში მიმდინარე ეკონომიკური, აგრარული, ეკოლოგიური და სოციალური პროექტების მოსალოდნელი შედეგების შესახებ სახელმწიფო უწყებებისთვის წინადადებების მომზადებას“, - აღნიშნა დავით გურგენიძემ.

რექტორმა ყურადღება გაამახვილა იმ მნიშვნელოვან ერთობლივ ღონისძიებებზე, რომელთა განხორციელება მემორანდუმის ფარგლებში უახლოესი მომავლიდან დაიწყება.

მისი განცხადებით, მეცნიერთა და სტუდენტთა მონაწილეობით, რეგულარულ ხასიათს მიიღებს ერთობლივი სამეცნიერო დისკუსიები, სიმპოზიუმები, კონფერენციები, ტრენინგები და სემინარები ისეთ აქტუალურ საკითხებზე, როგორიცაა: აგრარული მიმართულების თანამედროვე მეთოდების, სამეცნიერო მიღწევებისა და ინოვაციური ტექნოლოგიების დანერგვა, ბიომეურნეობების განვითარება, ეკოლოგიურ კატასტროფებთან ბრძოლა, სასოფლო-სამეურნეო დანიშნულების მიწის მართვის სისტემის სრულყოფა, მთის მდგრადი განვითარების ხელშეწყობა და სხვ.; როგორც რექტორმა აღნიშნა, მხარეები ერთობლივად იზრუნებენ საგრანტო კვლევითი პროექტების მომზადებაზე სტუდენტების მონაწილეობით, სამეცნიერო პუბლიკაციების გამოქვეყნებაზე, ასევე, სამეცნიერო მიღწევებისა და ქართული მეცნიერების პოპულარიზაციის მიზნით, ერთობლივი ღონისძიებებისა თუ გამოფენების ორგანიზებაზე.

სტუ-ის ინფორმაციით, მემორანდუმის ხელმოწერას ესწრებოდნენ საქართველოს ტექნიკური უნივერსიტეტის კანცლერი, პროფესორი კარლო კოპალიანი, რექტორის მოადგილე მეცნიერების დარგში, პროფესორი თამარ ლომინაძე, აგრარული მეცნიერებებისა და ბიოსისტემების ინჟინერინგის ფაკულტეტის დეკანი, აკადემიკოსი ედიშერ კვესიტაძე, სტუ-ის ადმინისტრაციის წარმომადგენლები და სტუდენტები, ასევე, საქართველოს სოფლის მეურნეობის მეცნიერებათა აკადემიის აკადემიკოსები.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024