იმერეთში სახელმწიფო რწმუნებული და ქუთაისის მერი ლატვიის ელჩს შეხვდნენ

იმერეთში სახელმწიფო რწმუნებული ზვიად შალამბერიძე და ქუთაისის მერი იოსებ ხახალეიშვილი ლატვიის რესპუბლიკის ელჩს საქართველოში ედიტე მედნეს შეხვდნენ.

ქუთაისის მერიის ინფორმაციით, მხარეებმა შეხვედრაზე სხვადასხვა მიმართულებაზე ისაუბრეს და ორი ქვეყნის, საქართველოსა და ლატვიას შორის პარტნიორულ ურთიერთობებზე გაამახვილეს ყურადღება.

მათივე ცნობით, ზვიად შალამბერიძე გაცნობითი სახის შეხვედრაზე ელჩს რეგიონის ტურისტულ და ეკონომიკურ პოტენციალზე ესაუბრა, ასევე ყურადღება გაამახვილა საინვესტიციო გარემოსა და ევროკავშირის მიერ დაფინანსებულ პროექტებზე.

„როგორც შეხვედრაზე აღინიშნა, იმერეთი ტურისტებისთვის ერთ-ერთი მიმზიდველი რეგიონია და ამ მიმართულებით მუნიციპალიტეტებში ტურისტული ლოკაციების მოწყობის სამუშაოები მიმდინარეობს. ასევე ხაზგასმით ისაუბრეს ქუთაისის საერთაშორისო აეროპორტის მნიშვნელობაზე და გაფართოებაზე. დაგეგმილია ახალი, 3.5 კილომეტრის სიგრძის ასაფრენ-დასაფრენი ზოლის, შესაბამისი სამიმოსვლო ბილიკებისა და ბაქნის მშენებლობა, რაც აეროპორტს საშუალებას მისცემს, მოემსახუროს ნებისმიერი ტიპის როგორც სამგზავრო, ასევე სატვირთო საჰაერო ხომალდებს.

ასევე, მხარეებმა ისაუბრეს საგანმანათლებლო დაწესებულებებზე, უმაღლესი სასწავლებლებისა და პროფესიული კოლეჯების მიერ დანერგილ პროგრამებსა და საერთაშორისო პროექტებზე“, - ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს