დავით ბერძენიშვილი - „ქართულ ოცნებაში“ მმართველობის ბოლო თვეებს ითვლიან - სექტემბრიდან ორი პოლიტიკური გაერთიანება იქნება: ერთი, მიხეილ სააკაშვილთან, მეორე, სალომე ზურაბიშვილთან დაახლოებული პოლიტიკური ჯგუფების

„ქართულ ოცნებაში“ საკუთარი მმართველობის ბოლო თვეებს ითვლიან, ყველა წინამორბედი, რომელიც იმუქრებოდა, ძალიან მწარედ დამარცხდა, - ამის შესახებ „რესპუბლიკური პარტიის“ ერთ-ერთმა ლიდერმა, დავით ბერძენიშვილმა „პალიტრანიუსის“ გადაცემაში „პოლიტიკური სივრცე“ განაცხადა, რითაც ხელისუფლების წარმომადგენლების მიერ ოპოზიციის და „ქართული ქარტიის“ მისამართით გაკეთებულ განცხადებებს უპასუხა.

დავით ბერძენიშვილის განცხადებით, სექტემბრიდან ოპოზიციური ფლანგზე ორი დიდი კონკურენტი პოლიტიკური გაერთიანება იქნება: ერთი, მიხეილ სააკაშვილისა და მისი პოლიტიკური პარტნიორების მიერ შექმნილი, ხოლო მეორე, სალომე ზურაბიშვილთან დაახლოებული პოლიტიკური ჯგუფების მიერ შეიქმნება.

„სააკაშვილი არის ოპოზიციის ერთი ნახევრის, ან ნახევარზე ცოტა ნაკლების, „ნაციონალური მოძრაობის“ და მისი პარტნიორი პოლიტიკური ძალების, ლიდერი. ის ახლა ძალიან ცდილობს, რომ ითამაშოს კონსტრუქციული როლი და ამბობს, რომ „ამას დავთმობთ, იმას დავთმობთ, საარჩევნო ნომერს დავთმობთ“ და ა.შ. არის ორი ვერსია გრანდ-კოალიცია ანუ ერთიანი დიდი სია ნეიტრალური ნომრით და მეორე, იქნება მიხეილ სააკაშვილი და მისი პოლიტიკური პარტნიორები ერთი და მეორე იქნება სექტემბრიდან, რასაც ვეძახი პატარების დიდ გაერთიანებას, თუმცა იმ პატარებიდან ზოგი ახლა წამოიზარდა. ის პოლიტიკური ჯგუფები, რომლებიც სალომე ზურაბიშვილთან ყველაზე ახლოს არიან. კარგია, რომ ზურაბიშვილის ქოლგის ქვეშ მეტი ტაქტიკური დაახლოების შესაძლებლობები იქმნება. მე ვვარაუდობ, რომ დიდი გაერთიანება იქნება, რომელსაც ექნება პრეტენზია, რომ გახდეს ოპოზიციის ლიდერი. კოალიციაზე პრეტენზია ექნება 7-8 პოლიტიკური ჯგუფის გაერთიანებას, რომლის პარტნიორ კონკურენტი ოპოზიციურ ფლანგზე იქნება 5 ნომერი“, - განაცხადა დავით ბერძენიშვილმა.

ამასთან, დავით ბერძენიშვილის განცხადებით, პარტია „გირჩმა“ მისი ბოლოდროინდელი პოზიციებიდან გამომდინარე თავი ოპოზიციის მიღმა დააყენა.

„საპარლამენტო „გირჩმა“ იმდენი მოახერხა, რომ მე, რომელიც ძალიან ენამოვლილი ვარ და არავისზე ცუდს არ ვამბობ, ოღონდ ოპოზიციონერი ერქვას, ახლა ეს მეც ძალიან მიჭირს, საპარლამენტო „გირჩმა“ თავი დაიყენა ოპოზიციის მიღმა თავისი ქმედებებით. ჯერ ერთი ამ აქციებისადმი დამოკიდებულებით, ოპოზიციური პარტიებისგან გამიჯვნით, შემდეგ კიდევ ამ სულელური ტექსტებით, რომ „ვინც მეტს შემომთავაზებს, „ოცნება“ იქნება თუ სხვა პარტია, იმასთან ერთად ვიქნები, ვინც უფრო გაიზიარებს „გირჩის“ მიდგომებს“. თუ „ოცნება“ შენი შესაძლო პარტნიორი შეიძლება იყოს მაშინ, უკვე ისეთი ვითარებაა, რომ შენ აღარა ხარ ოპოზიციურ ფლანგზე. შემდეგ კიდევ იყო ცესკოს თავმჯდომარის მხარდაჭერა. შარლ მიშელის დოკუმენტის ბოლო ნარჩენები გადაახია ქვეყანას და ევროკავშირს ცესკოს დაკომპლექტებით“, - განაცხადა დავით ბერძენიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024