შალვა პაპუაშვილი - კანონი ოჯახურ ღირებულებათა და არასრულწლოვანთა დაცვის შესახებ არის ყველაზე სახალხო კანონი, რომელსაც მოსახლეობის მხრიდან აბსოლუტური მხარდაჭერა აქვს

კანონი ოჯახურ ღირებულებათა და არასრულწლოვანთა დაცვის შესახებ არის ყველაზე სახალხო კანონი, რომელსაც მოსახლეობის მხრიდან აბსოლუტური მხარდაჭერა აქვს, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც პარლამენტის თავმჯდომარემ აღნიშნა, ოჯახურ ღირებულებათა და არასრულწლოვანთა დაცვის შესახებ მხარდაჭერა ჩვენ გუშინაც ვნახეთ ხალხის მხრიდან და რა თქმა უნდა, პარლამენტი ამ მხარდაჭერით და ლეგიტიმაციით დაიწყებს კანონპროექტის განხილვას.

„დღეს გასაჯაროვდა მთლიანად პაკეტი, ყველას შეუძლია გაეცნოს ამ პაკეტს, ვიდრე ბიუროზე გამოვა. გუშინდელი რეაქციებიდანაც ვნახეთ ორი რამ. ერთი, ოპოზიცია, როგორც ნახეთ, დაბნეულია და მათგან რეაქცია არ გვაქვს. როგორც ჩანს, ელოდებიან მითითებას გარედან. ისევე როგორც გამჭვირვალობის კანონის პროექტის დროს იყო,თავდაპირველად ჩუმად იყვნენ და გარედან მითითების მიღების შემდეგ დაიწყეს ხმაური. ახლაც, როგორც ჩანს, გარედან ელოდებიან, რა მითითება ექნებათ.

რაც შეეხება თავად პაკეტს, 17 მაისს უკვე შედგა სახალხო რეფერენდუმი და მას აქვს სახალხო მხარდაჭერა. თუკი გამჭვირვალობის კანონი არის ყველაზე ქართული კანონი, ეს კანონი იქნება ყველაზე სახალხო კანონი. ეს მხარდაჭერა ჩვენ გუშინაც ვნახეთ ხალხის მხრიდან და რა თქმა უნდა, პარლამენტი ამ მხარდაჭერით და ლეგიტიმაციით დაიწყებს კანონპროექტის განხილვას. რაც შეეხება სპეკულაციებს, ბევრი ვერც ვერაფერი ვნახე, რადგან უჭირთ რაიმე არგუმენტის წარმოდგენა ამ პაკეტთან აკავშირებდათ. ყველამ კარგად იცის, რომ ეს არის ყველაზე სახალხო კანონი, რომელსაც აქვს აბსოლუტური მხარდაჭერა ქვეყნის მოსახლეობის მხრიდან”, - აღნიშნა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024