15-16 ივნისს, „ექსპო ჯორჯიაში“, საქართველოში პირველი მასშტაბური სპორტული ფესტივალი „სპორტფესტი“ გაიმართება

15-16 ივნისს, „ექსპო ჯორჯიაში“, საქართველოში პირველი მასშტაბური სპორტული ფესტივალი „სპორტფესტი“ გაიმართება. ამის შესახებ „ინტერპრესნიუსს“ ორგანიზატორებმა აცნობეს.

მათივე ცნობით, „სპორტფესტის“ საორგანიზაციო გუნდია Alice Q, რომელსაც ღონისძიებების ორგანიზების 19 წლიანი გამოცდილება აქვს.

„გუნდისმიერორგანიზებულია 600-მდეღონისძიება, მათშორისშემდეგიფესტივალები:

Workshop Fest

Kiketi Fest

Kiketi Forest Downhill Cup

Alice Q-ს მიერ ორგანიზებული ფესტივალები გამოირჩევა ინტერაქციული ფორმატით. სტუმრები ერთვებიან სხვადასხვა აქტივობაში და იღებენ ახალ გამოცდილებას.

„სპორტფესტი“ წელს უკვე მეოთხედ იმართება. მასზე არაერთი სპორტული დისციპლინა იქნება წარმოდგენილი. მათ შორის: ფეხბურთი,კალათბურთი,გოჯუ რიუ, რაგბი,პადელი, ტექ.ბოლი, მთის სპორტები, ფარიკაობა და სხვა.

სპორტული ფედერაციები, სკოლები, კლუბები, სავარჯიშო დარბაზები და მაღაზიები, უამრავი გასართობი აქტივობით და სიურპრიზით ეცდებიან ნებისმიერი ასაკის და ინტერესის სტუმრის სპორტთან დაკავშირებას.

ექსპო ჯორჯიას შიდა და გარე სივრცეში განთავსდება სპორტ არენა, სცენა , საბავშვო, კვების და ასევე სხვადასხვა სპორტის სახეობის ზონები. ასევე იქნება სცენა, სადაც სხვადასხვა სპიკერები წარსდგენიან აუდიტორიის წინაშე. ტეროტორიაზე განთავსდება დიდი ეკრანი, სადაც 15 - 16 ივნისს, მაყურებელს EURO 24 -ის თამაშების ნახვა შეეძლება.

ადგილზე გაიმართება შეჯიბრებები, ტურნირები, გასართობი და სათავგადასავლო აქტივობები. ყველა ასაკის ადამიანს შეეძლება ჩაერთოს მეგობრულ და მხიარულ პაექრობებში. ფესტივალს დაესწრებიან გულშემატკივრებისთვის საყვარელი, ცნობილი სპორტსმენები.

16 ივნისს, Red Bull-ის მხარდაჭერით « სპორტფესტს» ეწვევა ურბანული სპორტის ვარსკვლავი, BMX Flatland -ის სამგზის მსოფლიო ჩემპიონი, ხორხე «ვიკი» გომესი. ფესტივალზე მოსულ სტუმრებს შესაძლებლობა ექნებათ, პირადად შეხვდნენ ესპანელ ათლეტს, დაესწრნონ მის შოუს და აღმოაჩინონ სპორტის ახალი და გასნხვავებული სახეობა.

„სპორტფესტის“ მიზანია, ერთ სივრცეში შეკრიბოს რაც შეიძლება მეტი სპორტული ორგანიზაცია და დაინტერესებული ადამიანი. გარდა ამისა, სპორტული ცხოვრების სტილი, მიღწევები, ისტორია, ჯანსაღი და აქტიური ცხოვრების წესი წარმოაჩინოს და ჩართოს მასში საზოგადოება.

ორგანიზატორების თქმით, 15-16 ივნისს, «სპორტფესტი», ნებისმიერი ამინდის მიუხედავად გაიმართება. ექსპო ჯორჯიას მე-11 პავილიონში და მიმდებარე გარე სივრცეში, აქტივობები დაიწყება 12:00 საათზე და 20: 00 საათამდე გაგრძელდება.

ღონისძიებაზე დასწრება თავისუფალია. https://www.youtube.com/watch?v=pIF6dHJDTg8

https://www.facebook.com/SportFestGeorgia „,-აღნიშნულია ინფორმაციაში.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად