27-30 მაისს, მსოფლიო საფოსტო კავშირის (Universal Postal Union) ორგანიზებით, საქართველოში, UPU რეგიონალური პროექტის ოპერაციული ეფექტურობისა და ელექტრონული კომერციის განვითარების (ORE 3), საერთაშორისო სემინარი გაიმართა.

საქართველოს ფოსტის ინფორმაციით, სემინარის მიზანი, მზარდი ელექტრონული კომერციის პირობებში მსოფლიო საფოსტო კავშირის წევრი ქვეყნების საფოსტო ადმინისტრაციების ოპერაციული ეფექტურობის ამაღლება იყო.

„ამავდროულად, საფოსტო უსაფრთხოების სემინარი გაიმართა, რომლის მიზანი მსოფლიო საფოსტო კავშირის წევრი ქვეყნების საფოსტო ოპერატორების უსაფრთხოების სტანდარტების ამაღლება იყო, რაც თავის მხრივ უსაფრთხო პარტნიორობის გარანტიას უზრუნველყოფს.

ღონისძიებაში მონაწილეობა საქართველოს, უკრაინის, ალბანეთის, თურქეთისა და მონტენეგროს დანიშნულმა საფოსტო ოპერატორებმა, საბაჟოსა და უსაფრთხოების ექსპერტებმა მიიღეს.

სემინარის ფარგლებში, საქართველოს ფოსტამ გამოცდილება მონაწილე ქვეყნებს გაუზიარა“, - აღნიშნულია ინფორმაციაში.