რატი იონათამიშვილი უილიამ კორტნიზე - ადამიანი, ვისაც წარმოდგენა არ აქვს საქართველოს დასავლურ მემკვიდრეობაზე, რადიკალური ოპოზიციის რჩეულია - ღალატის გუშინდელმა ისტორიამ ბევრ რამეს ახადა ფარდა

უილიამ კორტნიმ გუშინ კონგრესში განაცხადა: “საქართველოს უფრო ნაკლები დასავლური ტრადიციები გააჩნდა, ვიდრე უკრაინას”. და არავის გაუცია ამ შეურაცხმყოფელ პოზიციაზე პასუხი! საინტერესოა, როდიდან და როგორ აქვს უკრაინას საქართველოზე მეტი “დასავლური ტრადიციები“? - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, რატი იონათამიშვილი სოციალურ ქსელში წერს.

მისი განცხადებით, სწორედ საქართველო უსწრებდა დასავლეთის ბევრ ქვეყანას, 2018-21 წლებში, 1991 წელსაც პირველმა ქართულმა სახელმწიფომ მოიპოვა დამოუკიდებლობა და საბჭოთა კავშირის დანგრევაში ყველაზე მეტი წვლილი შეიტანა. როგორც იონათამიშვილი აღნიშნავს, თუ კორტნი მაიდანს გულისხმობს, ეს არ არის ევროპული ტრადიცია და არც ის შედეგებია ევროპული, რაც უკრაინაში მაიდანს მოჰყვა.

„უილიამ კორტნიმ გუშინ კონგრესში განაცხადა: “საქართველოს უფრო ნაკლები დასავლური ტრადიციები გააჩნდა, ვიდრე უკრაინას”. და არავის გაუცია ამ შეურაცხმყოფელ პოზიციაზე პასუხი! საინტერესოა, როდიდან და როგორ აქვს უკრაინას საქართველოზე მეტი “დასავლური ტრადიციები“? 2018-21 წლებში, როდესაც დასავლეთის ბევრ ქვეყანას ვუსწრებდით დასავლურ ტრადიციებში; 1991 წელს, როდესაც პირველებმა მოვიპოვეთ დამოუკიდებლობა და ყველაზე მეტი გავაკეთეთ საბჭოთა კავშირის დანგრევისათვის, თუ ვიზალიბერალიზაცია ჰქონდათ ჩვენზე ადრე? თუ მაიდანს გულისხმობს ბატონი კორტნი დასავლურ ტრადიციებში, ესეც სიცრუეა. მაიდანი არ არის ევროპული ტრადიცია და არც ის შედეგები, რაც მას მოჰყვა, არ არის ევროპული ღირებულება. და ეს ადამიანი, ვისაც წარმოდგენა არ აქვს საქართველოს ისტორიაზე და ჩვენი ქვეყნის დასავლურ მემკვიდრეობაზე არის რადიკალური ოპოზიციის რჩეული. აქედანაც ჩანს, მათი სიყალბე და ხელოვნურობა.

სინამდვილეში, ღალატის გუშინდელმა ისტორიამ ბევრ რამეს ახადა ფარდა, რაც ქართველ საზოგადოებას გაუმარტივებს სწორი, მკაცრი და სამართლიანი გადაწყვეტილებების მიღების შესაძლებლობას”, - წერს რატი იონათამიშვილი.

ინფორმაციას „ქართული ოცნების“ პრესსამსახური ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024