პარლამენტთან „უცხოური გავლენის გამჭვირვალობის შესახებ” კანონის მოწინააღმდეგეები აქციას მართავენ - იგეგმება მსვლელობაც
პარლამენტთან “უცხოური გავლენის გამჭვირვალობის შესახებ” კანონის მოწინააღმდეგეები არიან შეკრებილები.
როგორც აქციის ერთ-ერთმა ორგანიზატორმა, ზვიად ცეცხლაძემ განაცხადა, მსგავსი ტიპის პროტესტის მიზანი “მოწინააღმდეგე მხარის გამოფიტვაა“.
მისივე თქმით, პროტესტის მონაწილეები უფრო მეტი არიან, ვიდრე სამართალდამცავები, ამიტომ ისინი არ აპირებენ “დაასვენონ რეჟიმი”.
„დღევანდელი აქციის მიზანია მოწინააღმდეგე მხარის გამოფიტვა. აქციებზე შემჩნეული გვაქვს, რომ კონკრეტულ ლოკაციებში მთავრობას გამოჰყავს პოლიცია და გამოჰყავს 2-ჯერ და 3-ჯერ მეტი რაოდენობით, აქედან გამომდინარე ვფიქრობთ, რომ მცირე შეკრებები, თუმცა ხშირად, მათ გამოფიტვას გამოიწვევს. ყოველდღიურ რეჟიმში მსგავსი დაღლა პოლიციაში უკმაყოფილებას იწვევს. რატომ უნდა დავასვენოთ რეჟიმი, როცა შეგვიძლია დავღალოთ?!”- განაცხადა ცეცხლაძემ.
მისივე თქმით, პროტესტი გაგრძელდება მანამდე, ვიდრე მუხტი კვლავ არ აიწევს, მანამდე კი საჭიროა ფუნდამენტის შექმნა.
„სანამ მუხტი ხელახლა არ აბობოქრდება, მანამდე მოწინააღმდეგე მხარემაც არ შეისვენოს. სწორედ მუხტის აწევამდე გაგრძელდება პროტესტი”,- განაცხადა ცეცხლაძემ.
საკანონმდებლო ორგანოსთან შეკრებილები გეგმავენ მსვლელობით, “ქართული ოცნების” ოფისთან მივიდნენ.
v-if="article.gallery" v-html="article.gallery"
