მიხეილ სააკაშვილი - მე, პუტინის ტყვე ვაცხადებ, რომ ვარ ახალგაზრდების გვერდში ყოველგვარი პოლიტიკური თუ პირადი სარგებლის, ან მოტივაციის გარეშე - მოვუწოდებ ახალგაზრდებს, არ შეცვალონ მიზნის მიღწევის ხერხები

მე, პუტინის ტყვე, მიხეილ სააკაშვილი ვაცხადებ, რომ ვარ ახალგაზრდების გვერდში ყოველგვარი პოლიტიკური თუ პირადი სარგებლის, ან მოტივაციის გარეშე, რაც იმას ნიშნავს, რომ მე ვემორჩილები თქვენს ერთსულოვნებასა და მიზანმიმართულობას, - ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს.

მიხეილ სააკაშვილის მიმართვაში ნათქვამია, რომ ახალგაზრდებმა არ უნდა შეცვალონ „მიზნის მიღწევის ხერხები და საშუალებები“ და არ უნდა უსმინონ მათ, ვინც ახალგაზრდების „გაპარტიულებას ცდილობს“.

„მიმართვა ახალგაზრდებისადმი: ჩემო საამაყო ჯენზი! თქვენ სასწაული მოახდინეთ და ჩემს ყველაზე ოპტიმისტურ მოლოდინსაც კი გადააჭარბეთ. სწორედ თქვენმა თამამმა, ფერადმა, გამართულმა მოქმედებებმა გააცოცხლეს ეროვნული მუხტი და როგორც არასდროს, შეაკავშირეს ქართველი ხალხი. თქვენი და მხოლოდ თქვენი დამსახურებაა ამხელა საერთაშორისო მხარდაჭერა.

მე პუტინის დავალებით ვარ გამოკეტილი ციხეში იმის გამო, რომ თავის დროზე არ ჩავაბარე რუსეთს საქართველო და მინდა მოგმართოთ მოკრძალებით: მე, პუტინის ტყვე, მიხეილ სააკაშვილი ვაცხადებ, რომ ვარ ახალგაზრდების გვერდში ყოველგვარი პოლიტიკური თუ პირადი სარგებლის, ან მოტივაციის გარეშე, რაც იმას ნიშნავს, რომ მე ვემორჩილები თქვენს ერთსულოვნებასა და მიზანმიმართულობას. აქვე დავძენ, რომ არც ერთ პოლიტიკურ ლიდერს თუ პოლიტიკურ პარტიას უფლება არა აქვს პოლიტიკური მანდატების გამო დაანაწევრონ შექმნილი ერთიანობა და ცალკეული პოლიტიკური სუბიექტის ელექტორალურ ხმებად გადააქციონ ის, რაც ამ ერთიანობისა და დიადი გამარჯვების საწინდარია, არ გაფლანგონ ახალგაზრდობის უდიდესი მონაპოვარი.

აქედან გამომდინარე, მოვუწოდებ ახალგაზრდებს, რომ არ შეცვალონ მიზნის მიღწევის ის ხერხები საშუალებები, რაც თქვენს მიერ შექმნილი ერთობიდან წარმოიქმნა და აიძულეთ პოლიტიკური ლიდერები ხელი აიღონ დაქსაქსულობისა და ერთიანობის დაშლის მცდელობებისაგან.

მხოლოდ ამგვარ შედეგებს შეუძლია თქვენი დამარცხება, რომელიც იდენტურია საქართველოს დამარცხებისა. ამიტომ, მოიკრიბეთ ძალა და ყური არ უგდოთ მათ, ვინც თქვენს გაპარტიულებას ცდილობს, რადგან თქვენ ხართ გრანდიოზული და ყველაზე ქართული სულისკვეთების ეროვნული პარტია, რომელიც არ უნდა იქნეს დაყვანილი ცალკე აღებული რომელიმე ერთი, ან რამდენიმე პარტიის ელექტორალურ ხმებამდე.

ახალგაზრდებო! ჩვენი სამშობლოს მომავალი თქვენს ხელშია, რომელიც თითოეულ თქვენგანს გავალდებულებთ, რომ აიღოთ პასუხისმგებლობა და ასეთი ერთობით ბოლომდე მიიყვანოთ ასეთი აღმაფრენით დაწყებული საქვეყნო საქმე. ღმერთი იყოს თქვენი მფარველი!“, - წერს მიხეილ სააკაშვილი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024