შალვა პაპუაშვილი - ჩვენ ევროპა ძალიან არაევროპულად მოგვექცა ბოლო ორი წლის განმავლობაში - ეს ყველაფერი ევროპულ ღირებულებებს აცდენილია

ჩვენ ევროპა ძალიან არაევროპულად მოგვექცა, ბოლო ორი წლის განმავლობაში. ეს ყველაფერი ევროპულ ღირებულებებს აცდენილია, - ამის შესახებ საქართველოს პარლამენტის თავმჯდომარე, შალვა პაპუაშვილმა განაცხადა.

როგორც მან აღნიშნა, როდესაც სხვა ქვეყანაში, ფარულად, სპეცსამსახურების მეთოდებით ხდება რადიკალური ჯგუფების და პოლიტიკური პარტიებს დაფინანსება და პოლიტიკურ პროცესებში ჩარევა, ეს ყველაფერი ევროპულ ღირებულებებს აცდენილია.

მისი თქმით, ბევრი რამეა გამოსასწორებელი ევროკავშირის მხრიდან საქართველოსთან დაკავშირებით, მათ შორის, გამჭვირვალობაც.

,,დახურული კარის მიღმა, სააკაშვილთან მიმართებაში, დიდი ხანი მიდიოდა ზეწოლა, რომ ჩამოსულიყვნენ პოლონელი ექიმები. ამ ყველაფერში ჩართული იყვნენ ელჩებიც, რომ რაიმენაირად მოეყვანათ ეს პოლონელი ექიმები და ვნახეთ რისთვისაც ჩამოვიდნენ აქ. რომ სამარცხვინო სპეცოპერაციას ატარებდა ერთ-ერთი ექიმი, რომელსაც წინდით გაჰქონდა ნიმუში. ბოლოს, ალტერნატიული დასკვნაც ვეღარ ვიხილეთ. როდესაც ელჩები მივიდნენ იუსტიციის მინისტრთან და ევროკავშირის სახელით დემარში გამოაცხადეს, ორ კვირაში სტრასბურგის სასამართლომ თქვა, რომ ეს დემარში იყო აბსოლუტური ტყუილი და ფარსი, რადგან სააკაშვილის გადაყვანის საჭიროება არ არსებობდა. ერთ-ერთ შეხვედრაზე იუსტიციის მინისტრს პირდაპირ შანტაჟის ენით ელაპარაკებოდნენ. კი მაგრამ, რომ მოკვდეს და რამე მოუვიდეს. ხდებოდა აპოკალიპტური სურათის დახატვა. რატომ უნდა მოკვდეს, რატომ უნდა დაემართოს რამე, როდესაც ადამიანი თავის თავს თვითონ იზიანებს და ესეთ ბანალურ ჭეშმარიტებებს ვუხსნიდით. ამ ყველაფერს ევროპა არ ისმენდა, რითაც შიგნით არეულობაზე არათუ თვალს ხუჭავდა, არამედ ხელს უწყობდა კიდეც. ამიტომ, ჩვენ ევროპა ძალიან არაევროპულად მოგვექცა, ბოლო ორი წლის განმავლობაში. ამას საერთო ევროპულ ღირებულებებთან არ ჰქონდა. არ არის ეს ევროპული ქცევა, როდესაც ქვეყანას ხელს უბიძგებ ისეთი ნაბიჯებისკენ, რომელსაც შეიძლება არეულობა მოჰყვეს და ეს ქვეყანა კატასტროფამდე მიიყვანოს. არ არის ეს ევროპული ქცევა, როდესაც შენ სხვა ქვეყანაში, ფარულად, სპეცსამსახურების მეთოდებით აფინანსებ რადიკალურ ჯგუფებს და პოლიტიკურ პარტიებს და ერევი პოლიტიკურ პროცესებში. ეს ყველაფერი ევროპულ ღირებულებებს აცდენილია. ასე რომ, აქ ბევრი რამეა გამოსასწორებელი ევროკავშირის მხრიდან საქართველოსთან დაკავშირებით, მათ შორის, გამჭვირვალობასაც ვგულისხმობ. ხომ ცნობილია, ევროპის დემოკრატიის ფონდი არ ასაჯაროებს თავის ფინანსებს, ფარულად აფინანსებს პარტიებს, რადიკალურ ჯგუფებს. ეს ყველამ იცის, ამაზე თანხმობაც არსებობს გარკვეულწილად,” - განაცხადა შალვა პაპუაშვილმა აჭარის საზოგადოებრივი მაუწყებლის ეთერში გადაცემა "თავისუფალი სივრცეში” სტუმრობისას.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი