გიორგი ვაშაძე, ნორვეგიაში ვიზიტის ფარგლებში, ნორვეგიის პარლამენტის საგარეო და თავდაცვის კომიტეტის თავმჯდომარეს და კომიტეტის წევრ პარლამენტარებს შეხვდა

„გამარჯვების კოალიციის“ ერთ-ერთი ლიდერი და „სტრატეგია აღმაშენებლის“ თავმჯდომარე გიორგი ვაშაძე, ნორვეგიაში ვიზიტის ფარგლებში, ნორვეგიის პარლამენტის საგარეო და თავდაცვის კომიტეტის თავმჯდომარეს, ინე ერიქსენ შორიდეს და საგარეო და თავდაცვის კომიტეტის წევრ პარლამენტარებს შეხვდა.

ამის შესახებ ინფორმაციას „სტრატეგია აღმაშენებელი“ ავრცელებს.

მათივე ცნობით, შეხვედრის ფარგლებში მხარეებმა საქართველოს ევროატლანტიკური და ევროინტეგრაციის პროცესზე ისაუბრეს. განსაკუთრებული აქცენტები დაისვა იმ ვალდებულებებზე, რომელიც საქართველოს აქვს შესასრულებელი ევროატლანტიკურ სტრუქტურებში გაწევრიანებისთვის, რაც იდენტურია იმ მოვალეობების, რომელიც საქართველომ უნდა შეასრულოს ევროკავშირში გაწევრიანებისთვის.

„ნორვეგიელმა დეპუტატებმა დაწვრილებით განიხილეს და კითხვები დასვეს „რუსულ კანონთან“ და საქართველოში მიმდინარე შიდა პოლიტიკურ მოვლენებთან დაკავშირებით. გიორგი ვაშაძემ ნორვეგიელი კოლეგები საქართველოში მიმდინარე მოვლენების შესახებ საქმის კურსში ჩააყენა.

შეხვედრაზე ვაშაძემ ასევე ისაუბრა ნატო-სა და ევროკავშირის როლზე საქართველოსთვის, როგორც ეკონომიკური კეთილდღეობისა და უსაფრთხოების გარანტიებზე, თუ რამდენად მნიშვნელოვანია ეს ყოველივე საქართველოსთვის.

ნორვეგიული მხარე იმედს გამოთქვამს, რომ სამართლიანი არჩევნების შედეგად, საქართველო ყველა საჭირო რეფორმას ჩაატარებს, როგორც ნატოში გაწევრიანებისთვის, ასევე ევროპული ინტეგრაციისთვის.

26 ოქტომბრის არჩევნების შემდეგ, როდესაც ქვეყანაში დემოკრატია იზეიმებს და სათავეში დასავლურ-დემოკრატიული კოალიცია იქნება, ნორვეგიისა და საქართველოს ურთიერთობების გაღრმავების მიზნით, ვაშაძემ ნორვეგიელი კოლეგები საქართველოში მოიწვია,“ - აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024