ისრაელის თავდაცვის ძალების განცხადებით, ღაზაში გაერო-ს სკოლის შენობაზე განხორციელებული საჰაერო იერიშის შედეგად, 30-მდე ტერორისტი დაიღუპა.

ისრაელის თავდაცვის ძალების ცნობით, ალ-ნუსეირატში, ღაზის სექტორის ცენტრალურ ნაწილში მდებარე გაერო-ს სკოლას „ჰამასისა“ და „ისლამური ჯიჰადის“ 30-მდე ტერორისტი თავს აფარებდა.

მათივე ინფორმაციით, ტერორისტები სამ საკლასო ოთახში, მშვიდობიანი მოსახლეობისგან განცალკევებით, იმყოფებოდნენ.

ისრაელის მიერ ღამით განხორციელებული საჰაერო დარტყმის შესახებ „ჰამასის“ სამთავრობო მედია ოფისმა ინფორმაცია გაავრცელა, რომ იერიშს სულ მცირე 27 ადამიანი ემსხვერპლა.