ირაკლი კობახიძე - უკრაინამ ტერიტორიების 20% დაკარგა, დაღუპულია ასიათასობით ადამიანი, ეკონომიკა კატასტროფულ მდგომარეობაშია, დაახლოებით 10 მილიონი ადამიანი დევნილი ან ლტოლვილია - ეს ყველაფერი მაიდანმა მოიტანა!

უკრაინამ ტერიტორიების 20% დაკარგა, დაღუპულია ასიათასობით ადამიანი, ეკონომიკა კატასტროფულ მდგომარეობაშია, ინფრასტრუქტურა განადგურებულია, დაახლოებით 10 მილიონი ადამიანი დევნილი ან ლტოლვილია - ეს ყველაფერი მაიდანმა მოიტანა! - აღნიშნული განცხადება მედიასთან დღეს, პრემიერ-მინისტრმა ირაკლი კობახიძემ გააკეთა.

როგორც კობახიძემ აღნიშნა, აბსოლუტურად მიუღებელია, როდესაც საქართველოს კონტექსტში იმ პროცესებს იხსენებენ, რომელიც 2014 წელს უკრაინაში განვითარდა.

„მინდა შეგახსენოთ, რა ვითარება იყო მაიდნამდე უკრაინაში: - უკრაინა ერთიანი და განუყოფელი სახელმწიფო იყო. მას ჰქონდა ტერიტორიული მთლიანობა, ეკონომიკა თითქმის 200 მილიარდი დოლარი იყო და მუდმივ აღმავლობის გზაზე იყო. ამის შემდეგ უკრაინა ტერიტორიებს 20%-ს კარგავს, დაღუპულია ათიათასობოთ ადამიანი, ეკონომიკა არის კატასტროფულ მდგომარეობაში, ინფრასტრუქტურა არის განადგურებული, მოსახლეობის ერთი მეოთხედი - დაახლოებით 10 მილიონი ადამიანი არის ან დევნილი ან ლტოლვილი, დაახლოებით 7-8 მილიონი ქვეყნიდან არის გასული და აქედან 90% არიან ქალები და ბავშვები. ეს ყველაფერი მოიტანა მაიდანმა.

ადამიანები, რომელიც უკრაინაში ამ პროცესების განვითარების გამო პასუხისმგებლობას უნდა გრძნობდნენ, მაიდნით ჩვენ გვემუქრებიან, რაც არის აბსოლუტურად მიუღებელი. ამაზე მხოლოდ ძალიან მძიმე შეფასება შეიძლება მქონდეს“, - განაცხადა ჟურნალისტებთან ირაკლი კობახიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024