უკრაინის სამხედრო დაზვერვის მე-9 დეპარტამენტის სპეციალურმა განყოფილებამ დროებით ოკუპირებული ყირიმის სანაპიროზე რუსულ ბუქსირს, „სატურნს“ დაარტყა, - ინფორმაციას უკრაინული მედია თავდაცვის სამინისტროს მთავარ სადაზვერვო სამმართველოზე დაყრდნობით ავრცელებს.

„პანსკოეს ტბის წყლებში ჩატარებული ოპერაციის შედეგად რუსი დამპყრობლების კიდევ ერთი გემი განადგურდა“, - აცხადებენ უწყებაში.

მანამდე, უკრაინულმა მედიამ გაავრცელა ინფორმაცია, რომ უკრაინის თავდაცვის სამინისტროს მთავარმა სადაზვერვო სამმართველომ დღეს დილით დროებით ოკუპირებულ ყირიმის შავი ზღვის რაიონში რუსული გემი გაანადგურა.