შალვა ოგბაიძე - ეკოტრანსპორტის განვითარების და მწვანე მობილობის უზრუნველსაყოფად დაწყებულია მნიშვნელოვანი პროცესები, რაც ჩვენს თბილისს კიდევ უფრო მიმზიდველს  და წარმატებულს გახდის

თბილისში მიმდინარეობს ადგილობრივი ეკონომიკური განვითარების მე-14 ფორუმი სახელწოდებით „ჯანსაღი ქალაქი - მწვანე, ეკოლოგიურად სუფთა გარემო, მოქნილი და მდგრადი ურბანული განვითარება“. ფორუმში საკრებულოს სატრანსპორტო კომისიის თავმჯდომარემ, შალვა ოგბაიძემ, მიიღო მონაწილეობა. ამის შესახებ ინფორმაციას თბილისის საკრებულოა ვრცელებს.

მათივე ცნობით, ფორუმზე თბილისის საკრებულოს სატრანსპორტო საკითხთა კომისიის თავმჯდომარემ, შალვა ოგბაიძემ, დედაქალაქში ჰაერის დაბინძურების მაჩვენებლის შემცირებისა და თბილისის სატრანსპორტო პოლიტიკის მნიშვნელობის შესახებ ისაუბრა. ასევე ყურადღება გაამახვილა ელექტრო და ეკომეგობრული ტრანსპორტის წახალისების მიზნით გადადგმულ ქმედით ნაბიჯებზე.

„სატრანსპორტო პოლიტიკა, რომელსაც მუნიციპალიტეტი ახორციელებს, ჩვენი ქალაქისთვის ერთ-ერთი ყველაზე მნიშვნელოვანი და სასიცოცხლოდ აუცილებელია. ამ ეტაპისთვის გატარებული ღონისძიებების ეფექტიანობაზე მეტყველებს საქართველოს შინაგან საქმეთა სამინისტროს სტატისტიკური ინფორმაციაც, რომლის მიხედვითაც, თუ 2017 წელს თბილისში რეგისტრირებული ელექტროძრავიანი ავტომობილების რაოდენობა არ აღემატებოდა 600 ერთეულს, 2023 წლის მდგომარეობით აღნიშნული მაჩვენებელი 3400 უკვე ერთეულამდეა გაზრდილი“, - განაცხადა შალვა ოგბაიძემ.

თბილისის საკრებულოს სატრანსპორტო საკითხთა კომისიის თავმჯდომარემ ფორუმზე დეტალურად ისაუბრა ელექტრომობილების უფასო პარკირების და მათთვის გამოყოფილი სპეციალური ადგილების, ელექტრომობილების დამტენებით სარგებლობის ხელმისაწვდომობის გაზრდაზე. მისი თქმით, თბილისში წახალისებულია ველოსიპედებითა და სქროლებით გადაადგილება, დედაქალაქის რელიეფის გათვალისწინებით, ამ დროისათვის დაახლოებით 42 კმ-მდე ველობილიკია დახაზული.

„ყოველივე აღნიშნული ცხადყოფს, რომ ეკოტრანსპორტის განვითარების და მწვანე მობილობის უზრუნველსაყოფად დაწყებულია და მიმდინარეობს საკმაოდ მნიშვნელოვანი და შეუქცევადი პროცესები, რაც ჩვენს თბილისს კიდევ უფრო მიმზიდველს, ევროპულს და წარმატებულს გახდის“, - განაცხადა შალვა ოგბაიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024