კახა კალაძე - სანქციები არის ერთგვარი წახალისება გარდაცვლილი ოპოზიციის, რომელიც არის „ზერო“, ნული - მკვდარი როდის იყო ცოცხლდებოდა?

სანქციები არის ერთგვარი წახალისება გარდაცვლილი ოპოზიციის, რომელიც არის „ზერო“, ნული. მკვდარი როდის იყო ცოცხლდებოდა? - ამის შესახებ “ქართული ოცნების” გენერალურმა მდივანმა, კახა კალაძემ განაცხადა.

კალაძის თქმით, შეიძლება დღეს სანქციებთან დაკავშირებით ვიღაცებმა გაიხარონ და ესენი “ქვეყნის მტრები არიან”.

“საზოგადოება ძალიან კარგად ხედავს, რეალურად, რა პროცესები მიდის. ეს გადაწყვეტილება, რაც მიღებული იყო და რომელიც უკვე გაჟღერდა სანქციებთან დაკავშირებით, არის ერთგვარი წახალისება გარდაცვლილი ოპოზიციის, რომელიც არის “ზერო”, ნული. მკვდარი როდის იყო ცოცხლდებოდა? ასეა დღევანდელი ოპოზიცია. თუ ჩემი არ გჯერათ, შეგიძლიათ გუბაზ სანიკიძეს კითხოთ და ის გეტყვით ზუსტ შეფასებას რადიკალურ ოპოზიციასთან დაკავშირებით.

[ოპოზიციაში] დროებით შეიძლება გაიხარონ. ესენი არიან ამ ქვეყნის მტრები, ჩვეულებრივი მოღალატეები. ხელისუფლებაში ყოფნის დროსაც, 2008 წელს თავიანთი მოღალატეობრივი ქმედებებით დავკარგეთ ტერიტორიები. დღეს გარკვეული ნაწილი ოკუპირებულია და ეს პირადად მათი დამსახურებაა და მათი უგუნური პოლიტიკის შედეგია. ის რეზოლუციებიც, რომლებსაც მათ მოაწერეს ხელი, რომ თითქოს საქართველომ დაიწყო ომი და მძინარე ცხინვალს თავს დავესხით, ეს არის ის მოღალატეობრივი ქმედებები და ამ ყველაფრის შემოქმედია ის რადიკალური ოპოზიცია, რომელიც დღეს სხვადასხვა დასახელების პარტიებად არიან წარმოდგენილები. სინამდვილეში ერთნი არიან, ერთი პატრონი ჰყავთ. ჩვენი ქვეყნის მოსახლეობა მათ საკადრის პასუხს გასცემს.

ვერც ერთ ფაქტს მოიყვანთ, რომ 2012 წლის შემდეგ ქვეყანაში ადამიანის უფლებები ირღვევა; რომ შეზღუდული იყოს გამოხატვისა და სიტყვის თავისუფლება. ბუნებაში არ არსებობს ამგვარი ფაქტები. სწორედ ეს არის ორმაგი სტანდარტი, რასაც საზოგადოება ხედავს. 2012 წლამდე გატარებულ პოლიტიკას გვტენიდნენ, როგორც დემოკრატიის შუქურას. გვეუბნებოდნენ, რომ თურმე მანქანის საბარგულზე “გადასკოჩილი” ადამიანების გაუპატიურება დემოკრატია იყო, ბიზნესის რეკეტი დემოკრატია იყო, აქციების დარბევის დროს ხალხის ხოცვა და შემდეგ ჯიხურებზე შემოდება, ვითომ დენმა დაარტყა, ეს დემოკრატიის შუქურა იყო. ამ რეალობის წინაშე ვდგავართ დღეს. საზოგადოება ამ განსხვავებას ძალიან კარგად ხედავს ”,- განაცხადა კახა კალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს