ვოლოდიმირ ზელენსკი საფრანგეთის პარლამენტში - რუსეთის რეჟიმი მთელ მსოფლიოს აშანტაჟებს ისე, რომ ყველას ეშინია მას რეალურად დაუპირისპირდეს - ბრძოლას უკრაინისთვის ეგზისტენციალური მნიშვნელობა აქვს ევროპისთვის

უკრაინის პრეზიდენტის, ვოლოდიმირ ზელენსკის განცხადებით, რუსეთის ლიდერი, ვლადიმერ პუტინი არის ანტიევროპა და თავისუფლებისა და თანასწორობის საპირისპირო.

”წინა დღეს, ნორმანდიის სანაპიროზე, სადაც ყველამ გავიხსენეთ მეორე მსოფლიო ომი და მადლობა გადავუხადეთ მასში გამარჯვებულებს, ერთდროულად ორი გრძნობა დაგვეუფლა: სიხარულის გრძნობა გამარჯვების მოპოვების გამო და მოვალეობის გრძნობა - გამარჯვების ვალდებულება“, - განაცხადა ზელენსკიმ საფრანგეთის ეროვნული ასამბლეის წინაშე სიტყვით გამოსვლისას.

მისი თქმით, ჩვენ ვცხოვრობთ დროში, როდესაც ევროპა კვლავ აღარაა მშვიდობის კონტინენტი.

"ჩვენ ვცხოვრობთ დროში, როდესაც ევროპა კვლავ აღარაა მშვიდობის კონტინენტი. დროში, როცა, სამწუხაროდ, ნაციზმი ისევ ბრუნდება, როცა, სამწუხაროდ, ევროპაში ისევ მიწასთან ასწორებენ ქალაქებს და წვავენ სოფლებს, როცა ევროპაში ისევ არის ფილტრაციის ბანაკები, დეპორტაცია და სიძულვილი, რაც ახალ რუსულ კულტად იქცა. როდესაც კვლავ ცდილობენ ძალით შეცვალონ ევროპა და აცხადებენ, რომ ზოგიერთი ერი არ იმსახურებს დამოუკიდებელ არსებობას“, - აღნიშნა ზელენსკიმ.

მისი თქმით, რუსეთის რეჟიმი მთელ მსოფლიოს აშანტაჟებს ისე, რომ მსოფლიოს ეშინია რეალურად დაუპირისპირდეს მას.

„ის იპოვის გზას, რომ მოახდინოს ყველა დესტაბილიზაცია, მოახდინოს თქვენი დესტაბილიზაცია, ასეთი შეიძლება იყოს ხვალინდელი დღე, თუკი უკრაინა არ გაიმარჯვებს. ამ ბრძოლას უკრაინისთვის ახლა ისეთივე ეგზისტენციალური მნიშვნელობა აქვს ევროპისთვის, როგორიც ბრძოლებს, რომელიც ევროპელების წინა თაობებმა მოიგეს. ეს ბრძოლა გზაჯვარედინია. მომენტი, როდესაც ჩვენ შეგვიძლია ყველამ ერთად დავწეროთ ისტორია ახლა, როგორც ჩვენ გვჭირდება, ან გავხდეთ ისტორიის მსხვერპლი - როგორც მას, ჩვენს მტერს სჭირდება“, - განაცხადა ზელენსკიმ.

როგორც უკრაინის პრეზიდენტმა აღნიშნა, მტერი საერთოა უკრაინისა და ევროპისთვის.

„შეხედეთ, რა არის რუსული კონტროლი. ეს ჩვენი ქალაქებისა და სოფლების დამწვარი, მიტოვებული ნანგრევებია. ფაქტია. შეხედეთ, რად აქცევს პუტინი საკუთარ ქვეყანას და საკუთარ ხალხს. ეს არის გაუფასურებული ცხოვრების ტერიტორია. ფაქტობრივად ყველაფერ იმის საპირისპირო მხარე, რაც ჩვენთვის ღირებულია - ჩემთვის და შენთვის. თავისუფლების საპირისპირო. თანასწორობის საპირისპირო, ძმობის საპირისპირო, ევროპის საპირისპირო, ეს არის ანტიევროპა. სწორედ ეს არის პუტინი“, - აღნიშნა ზელენსკიმ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024