ანა წითლიძე - „ქართულმა ოცნებამ“ სანქციები თავის თავს უნდა დააბრალოს - ძალიან მძიმეა ეს სანქციები, რადგან ეს ნიშნავს, რომ ქვეყანას ლეგიტიმური ხელისუფლება არ ჰყავს

რა თქმა უნდა, ძალიან მძიმეა ეს სანქციები, რადგან სანქცირებული ხელისუფლება ნიშნავს იმას, რომ ამ ქვეყანას ლეგიტიმური ხელისუფლება არ ჰყავს, - ამის შესახებ „ერთიანი ნაციონალური მოძრაობის“ წევრმა, ანა წითლიძემ მედიასთან აშშ-ის სანქციებზე საუბრის დროს განაცხადა.

წითლიძის თქმით, აღნიშნულს მოჰყვება სანქციები ევროპელი პარტნიორების მხრიდანაც, რაც ნიშნავს იმას, რომ ამ ხელისუფლებას რეალურად არანაირი შანსი არ აქვს.

“ქართულმა ოცნებამ” ყველაფერი ახლა, რაც მათ თავს ხდება, საკუთარ თავს უნდა დააბრალოს. “ქართული ოცნების” ლიდერები ამ სანქციების შესახებ ჩვენმა საერთაშორისო პარტნიორებმა, აშშ-მ და ჩვენმა ევროპელმა პარტნიორებმა არაერთხელ გააფრთხილეს, რომ საქართველოს თავისუფლების, დემოკრატიული განვითარებისა და ტერიტორიული მთლიანობის განვითარების წინააღმდეგ ბრძოლა და საბოტაჟი ევროინტეგრაციის წინააღმდეგ მათ არ შერჩებოდათ. ძალიან ბევრი შანსი მისცეს იმისთვის, რომ საქმე სანქციებამდე არ მისულიყო. ახლა უკვე ეს სანქციები “ქართულმა ოცნებამ” თავის თავს უნდა დააბრალოს. რა თქმა უნდა, ძალიან მძიმეა ეს სანქციები, რადგან სანქცირებული ხელისუფლება ნიშნავს იმას, რომ ამ ქვეყანას ლეგიტიმური ხელისუფლება არ ჰყავს. ამას მოჰყვება სანქცირებები ჩვენი ევროპელი პარტნიორების მხრიდან, რაც ნიშნავს იმას, რომ ამ ხელისუფლებას რეალურად არანაირი შანსი არ აქვს”, - აღნიშნა ანა წითლიძემ.

ინფორმაციისთვის, აშშ-მა სავიზო შეზღუდვების პირველი ტრანში გამოაცხადა - შეზღუდვები დაუწესდებათ “ქართული ოცნების” წევრებს, პარლამენტის წევრებს, სამართალდამცავებს და კერძო პირებს.

როგორც აშშ-ის სახელმწიფო დეპარტამენტის სპიკერმა მეთიუ მილერმა განმარტა, სავიზო შეზღუდვების პირველი ტრანში 24-დან 36 პირს მოიცავს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი