ნინო ლაცაბიძე  - ჩვენმა გუნდმა რუსთავში კიდევ ერთი საინტერესო ტრადიცია - მოქანდაკეთა საერთაშორისო სიმპოზიუმი აღადგინა

რუსთავში მოქანდაკეთა საერთაშორისო სიმპოზიუმის ტრადიცია აღდგა. სიმპოზიუმს საფუძველი რუსთავში გასული საუკუნის 90-იან წლებში ჩაეყარა და ხანგრძლივი პაუზის შემდეგ, ქალაქის მერიის ინიციატივით, ტრადიციის აღდგენა წელს მოხდა.

ამის შესახებ ინფორმაციას რუსთავის მუნიციპალიტეტის მერია ავრცელებს.

მათივე ცნობით, მოქანდაკეთა საერთაშორისო სიმპოზიუმი, დღეს კულტურისა და დასვენების პარკში, საზეიმოდ, სწორედ იმ ტერიტორიაზე გაიხსნა, სადაც პირველად ჩატარდა.

სიმპოზიუმის გახსნას რუსთავის მერი ნინო ლაცაბიძე, ქვემო ქართლში სახელმწიფო რწმუნებული გიორგი დოხტურიშვილი, მსოფლიო სიმპოზიუმების გაერთიანების ხელმძღვანელი ლიუ იანგი, მოქანდაკეები და სხვა მიწვეული სტუმრები ესწრებოდნენ.

„ჩვენმა გუნდმა რუსთავში კიდევ ერთი საინტერესო ტრადიცია - მოქანდაკეთა საერთაშორისო სიმპოზიუმი აღადგინა. რუსთაველებს დავპირდით და სწორედ ამ მივიწყებული ტრადიციების აღდგენით, ფესტივალებითა და ქალაქის განვითარების ახალი ხედვით გვსურს, რომ რუსთავს ახალი შესაძლებლობები გავუჩინოთ. მოქანდაკეთა საერთაშორისო სიმპოზიუმს საფუძველი ჯერ კიდევ გასული საუკუნის 90-იან წლებში ჩაეყარა. გვიხარია, რომ წლების შემდეგ, მასში 8 ქართველ მოქანდაკესთან ერთად, 5 უცხოელი ხელოვანიც იღებს მონაწილეობას. ერთი თვის განმავლობაში ისინი სიმპოზიუმის სივრცეში იმუშავებენ და შექმნიან ძალიან საინტერესო სკულპტურებსა და კომპოზიციებს, რომლებიც ჩვენს ქალაქში დარჩება და სხვადასხვა ადგილებში განთავსდება“, - განაცხადა რუსთავის მერმა, ნინო ლაცაბიძემ.

რუსთავის პარკში მოწყობილ სიმპოზიუმის სივრცეში, 7 ივნისიდან 8 ქართველი და 5 უცხოელი - ბულგარელი, სერბი, ჩინელი და ირანელი სკულპტორები იმუშავებენ.

„გასული საუკუნის 90-იან წლებში, რუსთავში საფუძველი ჩაეყარა მოქანდაკეთა საერთაშორისო სიმპოზიუმს, რომელიც წლების განმავლობაში მივიწყებული იყო. დღეს რუსთავის მუნიციპალიტეტის მერიის ინიციატივით და უშუალოდ მერის, ნინო ლაცაბიძის ჩართულობით, ეს ტრადიცია აღდგა და სიმპოზიუმი კვლავ გაიმართება, რაც ძალიან მნიშვნელოვანია“, - განაცხადა ქვემო ქართლში სახელმწიფო რწმუნებულმა, გიორგი დოხტურიშვილმა.

მერიის ცნობითვე, მოქანდაკეთა საერთაშორისო სიმპოზიუმში მოწვეული ხელოვანების სტატუსით, ცნობილი რუსთაველი მოქანდაკე ჯუმბერ ჯიქია და მსოფლიო სიმპოზიუმების გაერთიანების ხელმძღვანელი ლიუ იანგიც ჩაერთვებიან.

„სივრცე, სადაც წელს მოქანდაკეთა სიმპოზიუმი ტარდება, რუსთავის ცენტრალურ პარკში, სწორედ იმ ტერიტორიაზეა მოწყობილი, სადაც გასული საუკუნის 90-იან წლებში, სიმპოზიუმის ტრადიციას ჩაეყარა საფუძველი.

მოქანდაკეთა რუსთავის საერთაშორისო სიმპოზიუმი - 2024, ქართველ და უცხოელ ხელოვანებს 20 დღის განმავლობაში უმასპინძლებს. რუსთავის პარკში მოწყობილ ღია სივრცეში სკულპტურის შექმნის საინტერესო პროცესის დაკვირვებას, ნებისმიერი მსურველი შეძლებს.

რუსთავი ერთადერთი ქალაქია საქართველოში, რომელიც მსოფლიო სიმპოზიუმების გაერთიანების წევრია“, - აღნიშნულია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024