არჩილ გორდულაძე - სივრცით კოდექსში ცვლილებები შედის, რომლებიც სამართალდარღვევების პრევენციაზე იქნება ორიენტირებული

სასტუმრო „პარაგრაფში“ მიმდინარე ადგილობრივი ეკონომიკური განვითარების მე-14 ფორუმის, სახელწოდებით „ჯანსაღი ქალაქი - მწვანე, ეკოლოგიურად სუფთა გარემო, მოქნილი და მდგრადი ურბანული განვითარება“ ერთ-ერთ სესიაზე - ადგილობრივი ხელისუფლება სამართლებრივ ჭრილში - მოდერატორი იყო თბილისის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე არჩილ გორდულაძე. ამის შესახებ ინფორმაციას თბილისის საკრებულო ავრცელებს.

უწყების ცნობით, არჩილ გორდულაძემ ფორუმის ორგანიზატორებს მადლობა გადაუხადა გაწეული სამუშაოსთვის და ადგილობრივი თვითმმართველობის გამოწვევების სამართლებრივ ჭრილში მოგვარების საკითხებზე ისაუბრა.

„თბილისის როლი გამორჩეულია საქართველოს კანონმდებლობაში როგორც ეკონომიკურ, ასევე სამართლებრივ ნაწილში. ქვეყნის ეკონომიკური აქტივობის დაახლოებით 51% თბილისზე მოდის. შესაბამისად, ხშირია ეკონომიკურ-სამართლებრივი საკითხები ჩვენს დედაქალაქში, რომელიც საჭიროებს გადაწყვეტას. ამ საკითხებში ჩართულები არიან დედაქალაქის მერიის, გამგეობების და საკრებულოს წარმომადგენლები. ძალიან კარგი კოორდინაცია და თანამშრომლობა გვაქვს, როგორც ადგილობრივ, ასევე ცენტრალური ხელისუფლების დონეზე“, - განაცხადა არჩილ გორდულაძემ.

„საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარემ საქართველოს პარლამენტში თბილისის მუნიციპალიტეტის ჩართულობის დაინიცირებულ საკანონმდებლო ცვლილებებზე ისაუბრა, რომელიც სივრცით კოდექსს ეხება. როგორც მან აღნიშნა, კანონმდებლობა არ უნდა იყოს ორიენტირებული მხოლოდ პასუხისმგებლობაზე, არამედ სამართალდარღვევების პრევენციაზე და სწორედ ასეთი სახის ცვლილებები შედის კოდექსში. არჩილ გორდულაძემ დაუმთავრებელი მშენებლობებით დაზარალებულთა დახმარების პროგრამაზეც გაამახვილა ყურადღება და აღნიშნა, რომ ძალიან მნიშვნელოვანია ამ გამოწვევის სამართლებრივად სწორად მოგვარება.

წარმოდგენილ საკითხზე მომხსენებლებმაც ისაუბრეს. სესია კითხვა-პასუხის რეჟიმში გაგრძელდა“,- აღნიშნულია თბილისის საკრებულოს პიარსამსახურის მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024