პაატა მანჯგალაძე „ქართულ ოცნებას“ - იმ მასშტაბის შარს გადაგყარათ ივანიშვილმა, რომ დროა, მის მიერ დაპირებული კომპენსაციები აიღოთ და გაერიდოთ - შეეცადეთ ოპოზიციაში ყოფნის მორალური უფლება მაინც დაიტოვოთ

მესმის, თქვენთვის სკამი და სკამის წყარო, ივანიშვილი საქართველოზე და ქართველ ხალხზე მეტია, მაგრამ ახლა ნამდვილად არის დრო იფიქროთ მომავალზე, - ასე მიმართავს „სტრატეგია აღმაშენებლის“ გენერალური მდივანი, პაატა მანჯგალაძე „ქართული ოცნების“ წარმომადგენლებს.

მანჯგალაძე „ქართულ ოცნებას“ მოუწოდებს, რომ ოპოზიციაში ყოფნის მორალური უფლება ამ ქვეყანაში მაინც დაიტოვონ.

გარდა ამისა, მანჯგალაძის თქმით, საქართველო აუცილებლად ევროკავშირის წევრი ქვეყანა გახდება.

„ვკითხულობ „ქართული ოცნების“ განცხადებებს და კიდევ ვერ ხვდებიან საკუთარი თავი და ქვეყანა რა მასშტაბის მავნებლობაში ჩააგდეს, ვიდრე ამ სულელურ განცხადებებს გააკეთებთ, ის მაინც იკითხეთ, სად ან ვინ არიან ის პოლიტიკური ლიდერები ან მთავრობები, ვინც ამერიკას ამ ფორმით დაუპირისპირდა.

ან რა სუვერენიტეტს იცავთ? თავისუფლების ფლაგმანი ქვეყნისგან, ამერიკისგან, ან რა ურთიერთობის გადახედვას აპირებთ ამერიკასთან, რომელიც არის ერთიანი, სუვერენული საქართველოს მხარდამჭერი და დამცველი? ან ვის ატყუებთ, რომ თქვენ კანონის მიღების და პოლიციელები წესრიგის დაცვისთვის დაგასანქცირეს?

მართლა მაინტერესებს, რას ეუბნებით თქვენს შვილებს, რომ 20-25 ათასი კილომეტრით დაშორებული ამერიკისგან იცავთ საქართველოს, როცა რუსეთის ყოველდღიურ ბორდერიზაციაზე და მკვლელობებზე ხმა არ ამოგიღიათ არასდროს?

თქვენ იმ მასშტაბის შარს გადაგყარათ ივანიშვილმა, რომ ის დროა ამისთვის, მის მიერ წინასწარ დაპირებული კომპენსაციები აიღოთ, ივანიშვილსაც გაერიდოთ და ღალატის გზაზე დამდგარ თქვენს პარტიასაც.

მესმის, თქვენთვის სკამი და სკამის წყარო, ივანიშვილი საქართველოზე და ქართველ ხალხზე მეტია მაგრამ ახლა ნამდვილად არის დრო იფიქროთ მომავალზე.

საქართველო აუცილებლად ევროკავშირის წევრი გახდება. თქვენ კი შეეცადეთ ოპოზიციაში ყოფნის მორალური უფლება ამ ქვეყანაში მაინც დაიტოვოთ“, - განაცხადა მანჯგალაძემ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?