პაატა კვიჟინაძე - ფერადი რევოლუცია საქართველოში არ მოხდება, ჩვენ გავაგრძელებთ ევროპული განვითარების გზას და ყველაზე მეტად მომზადებულები ვიქნებით 2030 წლისთვის, გავხდეთ ევროკავშირის წევრი ქვეყანა

მე არ ვიცი, კონკრეტულად ვის შეეხო სანქციები, მაგრამ ამას ჩემთვის არავითარი მნიშვნელობა არ აქვს. მე გავაკეთებ იმას, რასაც აქამდე ვაკეთებდი. საქართველო უპირველეს ყოვლისა! - ამის შესახებ საქართველოს პარლამენტის საფინანსო-საბიუჯეტო კომიტეტის თავმჯდომარე, პაატა კვიჟინაძე, სოციალურ ქსელში წერს.

მისი თქმით, „არავინ მალავს, აშშ-ის ახლანდელი ადმინისტრაცია საქართველოში ფერადი რევოლუციის მოწყობას რომ ცდილობს“.

როგორც კვიჟინაძემ აღნიშნა, აშშ იბრძვის მსოფლიო ლიდერობის შესანარჩუნებლად, ამიტომ მთავარი მოწინააღმდეგეების გარშემო ცეცხლის რკალის შეკვრა სურს.

„მე არ ვიცი, კონკრეტულად ვის შეეხო სანქციები, მაგრამ ამას ჩემთვის არავითარი მნიშვნელობა არ აქვს. მე გავაკეთებ იმას, რასაც აქამდე ვაკეთებდი.

საქართველო უპირველეს ყოვლისა!

მინდა ყურადღება გავამახვილო შემდეგ საკითხებზე:

აშშ-ის ახლანდელი ადმინისტრაცია რომ ფერადი რევოლუციის მოწყობას ცდილობს, ამას არავინ, მათ შორის ოპოზიციაც, არ უარყოფს.

თუ ეს მთავრობა შეიცვალა, რა ძალები მოვლენ ხელისუფლებაში, არც ეს არის ძნელი გამოსაცნობი. NGO და სალომეს ფანჩატური.

ისმის კითხვა, თუ ასე მოხდა და ამ ხალხს დაავალებენ იმას, რასაც ჩვენ გვთხოვდნენ - სანქციებზე მიერთებას და ომში სხვადასხვა ფორმით ჩართვას (მეორე ფრონტი და ა.შ). რას გააკეთებენ? მე მგონი გასაგებია-უსიტყვოდ დაეთანხმებიან. ამის შემდეგ რაც მოხდება საქართველოში უკვე ნათელია (უკრაინიზაცია).

რატომ აკეთებს ამას აშშ-ს ახლანდელი ადმინისტრაცია, როდესაც იცის, რომ საქართველო, დასავლეთის მიერ გამოქვეყნებული ყველა ინდექსით და კრიტერიუმით, არა მარტო კანდიდატ ქვეყნებს, არამედ ევროკავშირის წევრ ქვეყნებსაც უსწრებს, დემოკრატიის და ეკონომიკური განვითარების კუთხით. (აღარაფერს ვამბობ უკრაინასა და მოლდოვაზე,სადაც დიდი ხანია აღარ არსებობს პოლიტიკური ოპოზიცია, ოპოზიციური მედიასაშუალებები, არის კორუფცია, უკრაინაში პრეზიდენტის არჩევნებიც არ ჩაატარეს),იმიტომ რომ ის იბრძვის შეინარჩუნოს მსოფლიო ლიდერობა, რომელსაც კარგავს და მისი მთავარი მოწინააღმდეგეების გარშემო უნდა შეკრას ცეცხლის რკალი.

ფერადი რევოლუცია საქართველოში არ მოხდება. დრო ყველაფერს დაალაგებს. ჩვენ კვლავ გავაგრძელებთ ჩვენი ევროპული განვითარების გზას და ჩვენი ეკონომიკური ზრდიდან გამომდინარე, ყველაზე მეტად მომზადებულები ვიქნებით 2030 წლისთვის, გავხდეთ ევროკავშირის წევრი ქვეყანა”, - წერს პაატა კვიჟინაძე, რომლის განცხადებასაც “ქართული ოცნების“ პრესსამსახური ავრცელებს.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი