შალვა პაპუაშვილი - როცა ვხედავთ სისხლის სამართლის პასუხისმგებლობის შემცველი კანონის მიღებას საფრანგეთში და ამაზე გაცილებით რბილ კანონს საქართველოში, ქართველი ხალხი უცხოელების მხრიდან უსამართლობით გაოგნებულია

როდესაც ვხედავთ სისხლის სამართლის პასუხისმგებლობის შემცველი კანონის მიღებას საფრანგეთში და ამაზე გაცილებით რბილ კანონს საქართველოში, ქართველი ხალხი უცხოელების მხრიდან უსამართლობით გაოგნებულია, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

მისი თქმით, ვხედავთ ორმაგ სტანდარტებს, რაც სამწუხაროა. როგორც პაპუაშვილმა აღნიშნა, სინამდვილეში, საფრანგეთის კანონი უფრო მკაცრია, ვიდრე ქართული.

„კვლავ ვხედავთ ორმაგ სტანდარტებს, ის, რაც დასაშვებია იუპიტერისთვის, არ არის დასაშვები ხარისთვის და ზოგს თავისი თავი ჰგონია იუპიტერი, ჩვენ ვგონივართ ხარი. ეს სამწუხარო დამოკიდებულებაა. ქართველი ხალხი ისტორიულად შეჩვეული ვართ, რომ ასე ზემოდან გვიყურებდნენ ხოლმე, ბოლოს მეოცე საუკუნეში იყო, როდესაც ზემოდან გვიყურებდნენ, მაგრამ ყოველთვის ვცდილობდით, ჩვენი სათქმელი გვეთქვა. სინამდვილეში, საფრანგეთის კანონი უფრო მკაცრია, ვიდრე ქართული. მაგალითად, საფრანგეთში რომ არსებობდეს მოძრაობა „სირცხვილია“, რომელსაც აფინანსებს საქართველოს მთავრობა, მას მოუწევდა ფინანსური დეკლარაციების გასაჯაროება. ციხეში ჩასვამდნენ იმას, ვინც ამას არ აკეთებდა. თვალთვალის ქვეშ იქნებოდა, მათ შორის მათი კომპიუტერული თუ სხვა კომუნიკაცია. ეს იქნებოდა „სირცხვილიას“ ბედი, საფრანგეთში რომ ყოფილიყო საქართველოს მთავრობისგან დაფინანსებული. მაშინ, როდესაც „სირცხვილია“ საქართველოში ფინანსდება ევროკავშირის მხრიდან, მხოლოდ ერთი რამ მოეთხოვება – შეავსოს დეკლარაცია და გაასაჯაროოს. მორჩა, სხვა არანაირი ვალდებულება არ აქვს. თუ დაარღვევს ამ წესს, ერთადერთი რეაგირებაა ჯარიმა, მეტი არაფერი.

როდესაც ვხედავთ მკაცრ სისხლის სამართლის პასუხისმგებლობის შემცველი კანონის მიღებას საფრანგეთში და ამაზე გაცილებით რბილ კანონს საქართველოში, ამ ორ კანონთან დაკავშირებით უყურებთ რეაქციას სხვადასხვა აქტორის მხრიდან, ქართველი ხალხი გაოგნებულია უცხოელების მხრიდან უსამართლობით, როდესაც ორმაგი სტანდარტით ხდება შეფასება, იმისდა მიხედვით, რა ზომის არის ქვეყანა. რახან პატარა ქვეყანა ვართ, ჩვენზე სხვანაირი შეფასებებია, სხვა რომ დიდი ქვეყანაა, იქ სხვანაირი შეფასებაა. ქართველი ხალხი ისტორიულად შეჩვეულია, რომ ასეთებს ცდილობდნენ ხოლმე სხვა ერები, მაგრამ არავის ბოლომდე არ გასვლია და არ მგონია, ეს სერიოზული მიდგომა იყოს ამ მომენტში“, – განაცხადა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024