პეტრე ცისკარიშვილი - თინა ბოკუჩავა ჩვენი პარტიის პირველი ქალი თავმჯდომარე გახდება - დარწმუნებული ვარ, ეს ახალი ბრძოლის, „ნაციონალური მოძრაობის გაძლიერების შემდეგი ეტაპი იქნება

ლევან ხაბეიშვილს სჭირდება რეაბილიტაცია. აქედან გამომდინარე, შემდეგი 2-3 თვის განმავლობაში, რადგან ყოველდღიურ მუშა რეჟიმში ჩართული ვერ იქნება, ჩვენი წესდების თანახმად, მან ეს პოზიცია თინა ბოკუჩავას შესთავაზა, - ამის შესახებ „ერთიანი ნაციონალური მოძრაობის“ გენერალურმა მდივანმა პეტრე ცისკარიშვილმა განაცხადა.

როგორც ის აღნიშნავს, თინა ბოკუჩავა პარტიის პირველი ქალი თავმჯდომარე იქნება.

„პირველ რიგში, მინდა ლევან ხაბეიშვილს ძალიან დიდი მადლობა გადავუხადო მისი თავდადებისთვის, თავგანწირვისთვის, ივანიშვილის რეჟიმთან დაუღალავი ბრძოლისთვის, მაგრამ როგორც დღეს მან თავად მოგახსენათ, ბოლო მოვლენების ფონზე, როდესაც ლევან ხაბეიშვილი პრაქტიკულად გაიტაცეს და ნახევარი საათის განმავლობაში უმოწყალოდ სცემდნენ, მისი ჯანმრთელობა დაზიანდა, მას სჭირდება რეაბილიტაცია, აქედან გამომდინარე, შემდეგი 2-3 თვის განმავლობაში, რადგანაც ვერ იქნება ყოველდღიურ მუშა რეჟიმში ჩართული, ჩვენი წესდების თანახმად, მან ეს პოზიცია შესთავაზა თინა ბოკუჩავას და ჩვენ ამაზე გვქონდა კონსულტაციები. მე დარწმუნებული ვარ, თინა ბოკუჩავა ღირსეულად გაართმევს თავს ამ მართლაც ძალიან საპასუხისმგებლო პოსტს, ჩვენი პარტიის პირველი ქალი თავმჯდომარე იქნება და მე დარწმუნებული ვარ, ეს იქნება ახალი ბრძოლის, განახლების, „ნაციონალური მოძრაობის გაძლიერების“ შემდეგი ეტაპი“, - განაცხადა ცისკარიშვილმა.

კითხვაზე, იგეგმება თუ არა პარტიაში სხვა ცვლილებებიც, ცისკარიშვილი პასუხობს, რომ „უახლოეს მომავალში ყრილობა ექნებათ“.

„თუ კი რაიმე ცვლილება დაიგეგმება და ალბათ იქნება, ამ ყრილობასთან ერთად ყველა გავიგებთ. ჩვენ გვინდა, რაც შეიძლება მეტი ახალი ადამიანი შემოვიდეს, ახალგაზრდები ჩავრთოთ. ბოლო ორმა თვემ ჩვენ გვანახა, თუ როგორი თაობა მოდის საქართველოში, ბევრ მათგანს აინტერესებს პოლიტიკა და არამხოლოდ აინტერესებთ, მათ შეუძლიათ პოლიტიკაში დიდი წვლილის შეტანა, ცვლილებების განხორციელება. ჩვენი დიდი სურვილი იქნებოდა, რომ ეს ადამიანები შემოგვიერთდნენ „ერთიან ნაციონალურ მოძრაობაში“. არიან ასეთი სტუდენტები, ახალგაზრდები, სამოქალაქო სექტორის წარმომადგენლები, რომელთაც სურვილი აქვთ“, - განაცხადა პეტრე ცისკარიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024