ლევან ბეჟაშვილი - ლევან ხაბეიშვილმა პირადი თავგანწირვით აჩვენა პარტიულ აქტივს, საზოგადოებას თუ როგორ უნდა ბრძოლა რუსული რეჟიმის წინააღმდეგ - ეს გადაწყვეტილება არ არის საკადრო გადაადგილება

მინდა მადლობა გადავუხადო ლევან ხაბეიშვილს. მან ძალიან მნიშვნელოვანი როლი შეასრულა პარტიულ განვითარებაში ბოლო ორი წლის განმავლობაში. პირადად იბრძოდა და პარტიას ხელმძღვანელობდა ივანიშვილის რეჟიმის წინააღმდეგ ბრძოლაში, - ამის შესახებ საპარლამენტო ფრაქცია „ერთიანი ნაციონალური მოძრაობის“ დეპუტატმა, ლევან ბეჟაშვილმა განაცხადა.

მისივე თქმით, ლევან ხაბეიშვილმა პირადი თავგანწირვით აჩვენა პარტიულ აქტივს, საზოგადოებას თუ როგორ უნდა ბრძოლა რუსული რეჟიმის წინააღმდეგ.

„დღევანდელ გადაწყვეტილებასთან დაკავშირებით უნდა ითქვას, რომ პირველ რიგში, მადლობა ლევანს, რომ მან ძალიან მნიშვნელოვანი როლი შეასრულა პარტიულ განვითარებაში ბოლო ორი წლის განმავლობაში. პირადად იბრძოდა და პარტიას ხელმძღვანელობდა ივანიშვილის რეჟიმის წინააღმდეგ ბრძოლაში. მან პირადი თავგანწირვით აჩვენა ჩვენს პარტიულ აქტივს, საზოგადოებას თუ როგორ უნდა ბრძოლა რუსული რეჟიმის წინააღმდეგ. მოგეხსენებათ, ეს გადაწყვეტილება განპირობებული არის ჯანმრთელობის მდგომარეობით, რადგან სახელმწიფოს მხრიდან ფიზიკურმა ძალადობამ ლევან ხაბეიშვილის ფიზიკურ ჯანმრთელობაზე მნიშვნელოვანი გავლენა მოახდინა, ამიტომ მას სჭირდება რეაბილიტაციის პერიოდი. ამ პერიოდის განმავლობაში მნიშვნელოვანია, რომ პარტიამ არ დაკარგოს თავისი ფუნქციონალური დატვირთვა. შესაბამისად, თინა ბოკუჩავასთან დაკავშირებით მიღებული გადაწყვეტილება არის ძალიან მნიშვნელოვანი. თინა იქნება პირველი ქალი, რომელიც იმავდროულად გამოკვეთს ქალების როლს პოლიტიკაში, პარტიაში და უახლოესი პერიოდის განმავლობაში მას ექნება საპროგრამო გამოსვლა, რომელიც ახალ გამოწვევებს დაუსახავს პარტიას. პირველ რიგში, ეს გადაწყვეტილება არ არის საკადრო გადაადგილება. ფრაქციის თავმჯდომარე არის თინათინ ბოკუჩავა, პარლამენტის უფლებამოსილების ამოწურვამდე დარჩენილი არის ხუთი თვე, ამიტომ რაიმე საკადრო გადაწყვეტილების მიღება ცვლილებების თვალსაზრისით მიზანშეუწონლად მიმაჩნია პირადად მე, თუმცა პარტია და ფრაქცია მიიღებს შესაბამის გადაწყვეტილებას,“- განაცხადა ლევან ბეჟაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024