ჯიმ ო’ბრაიენი სომხეთს ეწვევა, - ამის შესახებ ინფორმაციას აშშ-ის სახელმწიფო დეპარტამენტი ავრცელებს.

აშშ-ის სახელმწიფო მდივნის თანაშემწე ევროპისა და ევრაზიის საკითხებში, ჯიმ ო’ბრაიენი 10-12 ივნისს სომხეთში ჩავა.

აშშ-ის სახელმწიფო დეპარტამენტის ცნობით, ო’ბრაიენი სომხეთის მთავრობის მაღალჩინოსნებს შეხვდება და სომხეთსა და აზერბაიჯანს შორის სამშვიდობო შეთანხმების მიღწევის მიმართ აშშ-ის მხარდაჭერას განიხილავს, მათ შორის საზღვრის დელიმიტაციის საფუძვლად ალმა-ათის დეკლარაციის გამოყენებას.

სომხეთში ვიზიტის ფარგლებში, აშშ-ის სახელმწიფო მდივნის თანაშემწე სომხურ-ამერიკული სტრატეგიული დიალოგის შეხვედრას უხელმძღვანელებს, რომელზედაც ორმხრივი ურთიერთობების გაღრმავების მხრივ მიღწეულ მნიშვნელოვან პროგრესს შეაფასებს და შემდგომ ნაბიჯებს განიხილავს.

ასევე, ჯიმ ო’ბრაიენი ბიზნესისა და სამოქალაქო საზოგადოების წარმომადგენლებს შეხვდება.