დროებითი ნავსადგომის გავლით ღაზას სექტორისთვის ჰუმანიტარული დახმარების მიწოდება უახლოეს დღეებში განახლდება, - ამის შესახებ ინფორმაციას ისრაელის თავდაცვის ძალები ავრცელებს.

„ისრაელის სამხედროებმა ღაზაში დროებითი ნავსადგომის სანაპირო ზონის დაცვა დაიწყეს. უახლოეს დღეებში ნავსადგომის აღდგენა ღაზას მოსახლეობისთვის ჰუმანიტარული დახმარების მიწოდებას შესაძლებელს გახდის“, - აცხადებს ისრაელის თავდაცვის ძალები.

აშშ-ის ცენტრალურმა სარდლობამ განაცხადა, რომ დროებითი ნავსადგომის სტრუქტურის შეკეთება დასრულდა, მას შემდეგ, რაც რამდენიმე დღის წინ ზღვაზე შტორმის შედეგად მისი ნაწილი დაზიანდა.