გიორგი ვაშაძე - ალბათ, დიდი ტრაური ექნება პრორუს „ქართულ ოცნებას“, რადგან არცერთი ორბანისტი არსად არ იქნება - ევროპარლამენტში გაიმარჯვა ევროკავშირის გაფართოების და „ოცნების“ დამთავრების პოლიტიკამ

ევროპარლამენტში გაიმარჯვა ევროკავშირის გაფართოების, დემოკრატიის მხარდაჭერის, ქართველის მხარდაჭერის და „ქართული ოცნების” დამთავრების პოლიტიკამ, - ამის შესახებ „სტრატეგია აღმაშენებლის“ თავმჯდომარემ, გიორგი ვაშაძემ ჟურნალისტებთან საუბრის დროს აღნიშნა, რითაც ევროპარლამენტში ჩატარებულ არჩევნებს გამოეხმაურა.

ვაშაძის თქმით, იმ ძალების მხრიდან, ვინც ევროკავშირში გაიმარჯვა, ვერც ერთი ანტიდემოკრატიული, ფაშისტური და ავტორიტარული ძალა, ვერასდროს იქნება მხარდაჭერილი.

„EPP-ს ყველაზე მეტად რომ ლანძღავს „ქართული ოცნება“, მათ უფრო მეტი მანდატი და ადგილი აიღეს, ვიდრე აქამდე ჰქონდათ. რაც შეეხება თანამდებობებს, არცერთი ორბანისტი არცერთ თანამდებობაზე არ იქნება - ეს მიიღო ორბანმა“, - განაცხადა გიორგი ვაშაძემ.

რაც შეეხება კითხვას, თუ რას შეცვლის საქართველოსთვის ევროპარლამენტის ეს არჩევნები, ვაშაძემ უპასუხა, რომ ქართველ ხალხს და დემოკრატიას მეტი მხარდაჭერა ექნება და მეტი წნეხი ექნება „ქართული ოცნებას“.

„ქართველ ხალხს და დემოკრატიას მეტი მხარდაჭერა ექნება და მეტი წნეხი ექნება ნებისმიერ ავტორიტარს, პირველ რიგში მოღალატეთა დაჯგუფებას „ქართული ოცნების“ სახით, რომელსაც უნდა, რომ ქართველი ხალხის ნება გააყალბოს და საქართველო ევროინტეგრაციის ნაცვლად უბედურებისკენ წაიყვანოს. ძალიან საინტერესო კანდიდატები, ჩვენი ქვეყნის მეგობრები განიხილებიან ევროკომისიის გაფართოების კომისრის პოზიციაზე. ალბათ, დიდი ტრაური ექნება პრორუს „ქართულ ოცნებას“, იმიტომ რომ არცერთი მსგავსი, მასთან მიახლოებული ადამიანი კომისიაში არსად იქნება. არცერთი ორბანისტი არსად იქნება, ორბანის ეს იდეოლოგია დამარცხდა ამ არჩევნებში. მან ისტორიულად ყველაზე დაბალი შედეგი აიღო, რაც კი აუღია“, - აღნიშნა ვაშაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024