საია - „უცხოური გავლენის გამჭვირვალობის შესახებ“ კანონის საწინააღმდეგო აქციებზე უფლებრივი კუთხით პრობლემური იყო იმ დაკავებულებზე ინფორმაციის მოძიება, რომლებიც სამართალდამცველებს პირდაპირ სამედიცინო დაწესებულებაში გადაჰყავდათ

„უცხოური გავლენის გამჭვირვალობის შესახებ“ კანონის საწინააღმდეგო აქციებზე უფლებრივი კუთხით პრობლემური იყო იმ დაკავებულების შესახებ ინფორმაციის მოძიება, რომლებიც სამართალდამცველებს პირდაპირ სამედიცინო დაწესებულებაში გადაჰყავდათ - ამასთან, გამოიკვეთა, რომ ზოგჯერ დროებითი მოთავსების იზოლატორებში დაზიანებების დეტალურ აღრიცხვას არ აწარმოებენ, რაც პრობლემურია, მათ შორის, გამოძიების სათანადოდ წარმართვისთვის,- ამის შესახებ საია-ს სპეციალურ ანგარიშშია აღნიშნული სახელწოდებით - „საქართველო: ადამიანის უფლებები „რუსული კანონის“ პირისპირ“.

ანგარიშის თანახმად, დაკავებულების ნაწილი გადაჰყავდათ სხვა ქალაქების იზოლატორბში, რაც უფრო ართულებდა მათ შესახებ ინფორმაციის მოპოვებას.

„2024 წლის აპრილი-მაისის პერიოდში „რუსული კანონის“ წინააღმდეგ მიმდინარე საპროტესტო აქციების დროს, საია-ს ინფორმაციით, დაახლოებით 210-ამდე პირი დააკავეს. მათთან მიმართებით მნიშვნელოვანი გამოწვევა იყო სამართლიანი სასამართლოს უფლების უზრუნველყოფა. უსაფუძვლო ადმინისტრაციული დაკავებები ემსახურება საპროტესტო აქციის მუხტის ჩახშობას და მოქალაქეების დაშინებას. დაკავებულთა უფლებრივი კუთხით პრობლემური იყო იმ დაკავებულების შესახებ ინფორმაციის მოძიება, რომლებიც სამართალდამცველებს პირდაპირ სამედიცინო დაწესებულებაში გადაჰყავდათ, რადგან ადვოკატისა და ოჯახის მხრიდან დროულად ვერ ხერხდებოდა მათი ადგილსამყოფლის დადგენა. რამდენიმე შემთხვევაში, დაზიანებების მქონე დაკავებულები სამედიცინო დაწესებულებებში სამართალდამცავი პირების მიერ მიყვანილ გადაუდებელ პაციენტებად არ დაარეგისტრირეს. ასეთ დროს დაკავებულებს თავად უწევთ მკურნალობის გარკვეული ხარჯების დაფარვა.

ამასთანავე, ზოგიერთ საქმეში გამოიკვეთა, რომ დროებითი მოთავსების იზოლატორებში დაზიანებების დეტალურ აღრიცხვას არ აწარმოებენ, რაც პრობლემურია, მათ შორის, გამოძიების სათანადოდ წარმართვისთვის. სამოქალაქო საზოგადოების ორგანიზაციების ქსელის ინფორმაციით, თბილისის იზოლატორების გარდა, დაკავებული პირები გადაჰყავდათ სხვა ქალაქების იზოლატორებშიც - გორში, ხაშურში, თელავსა და დუშეთში, რაც მათი მოძიების პროცესს კიდევ უფრო ურთულებდა ოჯახს, ადვოკატებსა და უფლებადამცველებს. გამოვლინდა ადმინისტრაციული წესით დაკავებულ პირთა დაკავების ვადის დაუსაბუთებლად გახანგრძლივება. შეინიშნებოდა შინაგან საქმეთა სამინისტროს მიერ დამკვიდრებული პრაქტიკა, უმეტესად, დაუსაბუთებლად გაახანგრძლივოს დაკავების 24-საათიანი ვადა 48 საათამდე“,- აღნიშნულია ანგარიშში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024