შალვა პაპუაშვილი ლგბტ პროპაგანდის საწინააღმდეგო პროექტზე - თუკი ოპოზიცია მხარს არ დაუჭერს კანონპროექტს, დადგება არა ქართველი ხალხის, არამედ საკუთარი უცხოელი პატრონების მხარეს

ამ კანონპროექტზე 17 მაისს შედგა ფაქტობრივი სახალხო რეფერენდუმი და ქართველმა ხალხმა არა მხოლოდ ჩვენი სახალხო განხილვის დროს, რომელიც რეგიონში იყო, არამედ 17 მაისს უკვე ქუჩაში გამოსვლით მხარი დაუჭირა ამ პაკეტს, ამიტომ ახლა ოპოზიციას ერთადერთი შედეგი ექნება, საბოლოო ჯამში, თუკი მხარს არ დაუჭერს ამ კანონპროექტს, საბოლოოდ დადგება არა ქართველი ხალხის, არამედ საკუთარი უცხოელი პატრონების მხარეს, - ამის შესახებ საქართველოს პარლამენტის თავმჯდომარემ შალვა პაპუაშვილმა „ოჯახური ღირებულებების და არასრულწლოვანთა უფლებების დაცვის“ შესახებ პაკეტთან დაკავშირებით განაცხადა.

მისი თქმით, დღეს ბიურო შესაბამის კომიტეტებს გადასცემს აღნიშნულ პაკეტს განსახილველად და პარლამენტიც საკომიტეტო და პლენარული სხდომის ფორმატში დაიწყებს მის განხილვას.

„რაც შეეხება პაკეტს „ოჯახური ღირებულებების და არასრულწლოვანთა უფლებების დაცვის შესახებ, იცით, რომ ეს პაკეტი დღეს დაინიცირდა და ბიუროს მიერ გადაეცემა შესაბამის კომიტეტებს განსახილველად და პარლამენტი საკომიტეტო და პლენარულ სხდომის ფორმატში დაიწყებს განხილვას. რაც შეეხება ოპოზიციას, ამაშია მთელი პარადოქსი, ერთი მხრივ ამბობენ, რომ საარჩევნო მიზნები აქვს ამ ყველაფერსო, ანუ ამით აღიარებენ, რომ ეს არის ქართველი ხალხის ინტერესში და ქართველი ხალხის მიერ მოწონებული კანონპროექტი და თუ ეს ქართველი ხალხის ინტერესშია, მაშინ რატომ არ უჭერენ მას მხარს? თუკი ეს ქართველი ხალხის მიერ არის მოწონებული, რატომ არ უჭერენ მხარს? გამოდის, რომ ისინი ხელმძღვანელობენ არა ჩვენი ქვეყნის და მოსახლეობის ინტერესებიდან, არამედ ხელმძღვანელობენ მათი უცხოელი პატრონების დაკვეთით, კარნახით, წარბის აწევით თუ ა.შ. ეს არის სამწუხარო რეალობა, რომ ჩვენ სინამდვილეში გვყავს არა პოლიტიკური ოპოზიცია, რომელიც ცდილობს, რომ ჩვენი ქვეყნისთვის და მოსახლეობისთვის სასარგებლო იდეების ჭიდილი იყოს, არამედ მთლიანად უყურებს იმას, რას ეტყვიან გარედან, როგორ საარჩევნო ტაქტიკას დაუსახავენ, რომელ კანონს დაუჭირონ და რომელ კანონს არ დაუჭირონ მხარი“, - განაცხადა პაპუაშვილმა.

ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
ქართული პრესის მიმოხილვა 20.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა