შალვა პაპუაშვილი - ერთ-ერთი მნიშვნელოვანი ტენდენციაა, რომ ახალგაზრდობა ევროპაში სულ უფრო მეტად უჭერს მხარს კონსერვატორულ, ტრადიციულ მიდგომებს

ევროპარლამენტის ფუნქციიდან გამომდინარე, ნაკლებად მნიშვნელოვანია თავად ევროპარლამენტში როგორი ძალთა გადანაწილებაა, ვინაიდან ევროკავშირის სხვა სტრუქტურებთან შედარებით ევროპარლამენტს ნაკლები პოლიტიკური წონა აქვს, - ამის შესახებ პარლამენტის თავმჯდომარე, შალვა პაპუაშვილმა ჟურნალისტებთან ევროპარლამენტში ჩატარებულ არჩევნებზე საუბრისას განაცხადა.

როგორც პარლამენტის თავმჯდომარემ აღნიშნა, ტენდენცია უფრო კონსერვატორული პარტიების მიმართ არის გადახრილი.

პაპუაშვილის თქმით, ამ არჩევნების მთავარი გზავნილი არის, რომ ქვეყნის ეროვნული ინტერესებიდან უნდა შეთანხმდნენ საერთო ევროპულ ინტერესებზე და არა პირიქით - მოახდინონ საერთო ინტერესების პროვოცირება ქვეყნის ინტერესებზე.

„ევროპარლამენტის ფუნქციიდან გამომდინარე, ნაკლებად მნიშვნელოვანია თავად ევროპარლამენტში როგორი ძალთა გადანაწილებაა, ვინაიდან ევროკავშირის სხვა სტრუქტურებთან შედარებით ევროპარლამენტს ნაკლები პოლიტიკური წონა აქვს. თუმცა აქაც ვატყობთ, რომ ტენდენცია უფრო კონსერვატორული პარტიების მიმართ არის გადახრილი. უფრო მნიშვნელოვანია თავად წევრ ქვეყნებში რა შედეგები იყო ამ მხრივ. ვნახეთ, რომ ამ არჩევნების გამო საფრანგეთში რიგგარეშე არჩევნები ჩაინიშნა, ბელგიის პრემიერ-მინისტრი გადადგა და გერმანიაში მმართველმა კოალიციამ მესამე, მეოთხე, მეხუთე ადგილები დაიკავა. გარკვეულწილად ეს ამ ქვეყნებში მოსახლეობის მხრიდან ხელისუფლების პოლიტიკის შეფასებას აჩვენებს - იქნება ეს საფრანგეთი თუ გერმანია.

ასევე, არის გარკვეული რეაქცია იმ პოლიტიკაზე, რომელიც მთავრობებს განსაკუთრებით საგარეო პოლიტიკის მიმართულებით ჰქონდათ. მნიშვნელოვანია, რომ ამ ქვეყნების ხელისუფლებებმა ყური დაუგდონ საკუთარი მოსახლეობის განწყობას და მათ შეფასებებს. ფაქტია, რომ ერთ-ერთი ტენდენცია კონსერვატორული მიდგომებისაა. მოსახლეობის მხრიდან ტრადიციული ღირებულებების მიმართ განსაკუთრებული ყურადღებაა. ამ ნეოლიბერალური მიდგომების მიმართ გარკვეული გადაღლაა, რომელსაც ხშირად ახვევენ თავს საკუთარ მოსახლეობას.

ერთ-ერთი მნიშვნელოვანი ტენდენციაა, რომ ახალგაზრდობა ევროპაში სულ უფრო მეტად უჭერს მხარს კონსერვატორულ, ტრადიციულ მიდგომებს. მათ შორის [ევროკავშირის] წევრ ქვეყნებშიც, რაც არჩევნებმაც აჩვენა, რომ განსაკუთრებით ახალგაზრდობა უფიქრდება, რაში მდგომარეობს ქვეყნის და ხალხის ინტერესები და აქედან გამომდინარე უყურებენ შემდეგ საერთო ინტერესებს.

ვფიქრობ, ამ არჩევნების მთავარი გზავნილი არის, რომ ქვეყნის ეროვნული ინტერესებიდან უნდა შეთანხმდნენ საერთო ევროპულ ინტერესებზე და არა პირიქით - საერთო ინტერესების პროვოცირება ქვეყნის ინტერესებზე“, - აღნიშნა შალვა პაპუაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი